This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.021   சுந்தரமூர்த்தி சுவாமிகள்   திருப்பாட்டு திருக்கச்சிமேற்றளி (பிள்ளைப்பாளையம்) - நட்டராகம் நடபைரவி பந்துவாராளி கனகவசந்தம் ராகத்தில் திருமுறை அருள்தரு காமாட்சியம்மை உடனுறை அருள்மிகு திருமேற்றளியீசுவரர் திருவடிகள் போற்றி

https://www.youtube.com/watch?v=jAe8LhAAZsA   Add audio link

நொந்தா வொண்சுடரே நுனை யேநி னைந்திருந்தேன் வந்தாய் போயறியாய் மனமேபு குந்துநின்ற சிந்தாய் எந்தைபிரான் திரு மேற்ற ளிஉறையும் எந்தாய் உன்னையல்லால் இனி ஏத்த மாட்டேனே.	1
ஆட்டான் பட்டமையால் அடி யார்க்குத் தொண்டுபட்டுக் கேட்டேன் கேட்பதெல்லாம் பிற வாமை கேட்டொழிந்தேன் சேட்டார் மாளிகைசூழ் திரு மேற்ற ளிஉறையும் மாட்டே யுன்னையல்லால் மகிழ்ந் தேத்த மாட்டேனே.	2
மோறாந் தோரொருகால் நினை யாதி ருந்தாலும் வேறா வந்தென்னுள்ளம் புக வல்ல மெய்ப்பொருளே சேறார் தண்கழனித் திரு மேற்ற ளியுறையும் ஏறே யுன்னையல்லால் இனி ஏத்த மாட்டேனே.	3
உற்றார் சுற்றமெனும் மது விட்டு நுன்னடைந்தேன் எற்றால் என்குறைவென் இட ரைத்து றந்தொழிந்தேன் செற்றாய் மும்மதிலுந் திரு மேற்ற ளிஉறையும் பற்றே நுன்னையல்லால் பணிந் தேத்த மாட்டேனே.	4
எம்மான் எம்மனையென் றவர் இட்டி றந்தொழிந்தார் மெய்ம்மா லாயினதீர்த் தருள் செய்யும் மெய்ப்பொருளே கைம்மா ஈருரியாய் கன மேற்ற ளிஉறையும் பெம்மான் உன்னையல்லால் பெரி தேத்த மாட்டேனே.	5
Go to top
நானேல் உன்னடியே நினைந் தேன்நி னைதலுமே ஊனேர் இவ்வுடலம் புகுந் தாய்என் ஒண்சுடரே தேனே இன்னமுதே திரு மேற்ற ளிஉறையும் கோனே உன்னையல்லாற் குளிர்ந் தேத்த மாட்டேனே.	6
கையார் வெஞ்சிலைநா ணதன் மேற்ச ரங்கோத்தே எய்தாய் மும்மதிலும் மெரி யுண்ண எம்பெருமான் செய்யார் பைங்கமலத் திரு மேற்ற ளிஉறையும் ஐயா உன்னையல்லால் அறிந் தேத்த மாட்டேனே.	7
விரையார் கொன்றையினாய் விம லாஇனி உன்னையல்லால் உரையேன் நாவதனால் உட லில்உயிர் உள்ளளவும் திரையார் தண்கழனித் திரு மேற்ற ளிஉறையும் அரையா உன்னையல்லால் அறிந் தேத்த மாட்டேனே.	8
நிலையா நின்னடியே நினைந் தேன்நி னைதலுமே தலைவா நின்னினையப் பணித் தாய்ச லமொழிந்தேன் சிலையார் மாமதில்சூழ் திரு மேற்ற ளிஉறையும் மலையே உன்னையல்லால் மகிழ்ந் தேத்த மாட்டேனே.	9
பாரூர் பல்லவனூர் மதிற் காஞ்சி மாநகர்வாய்ச் சீரூ ரும்புறவிற் றிரு மேற்ற ளிச்சிவனை ஆரூ ரன்னடியான் அடித் தொண்டன்ஆ ரூரன்சொன்ன சீரூர் பாடல்வல்லார் சிவ லோகஞ் சேர்வாரே.	10
Go to top

Thevaaram Link  - Shaivam Link
Other song(s) from this location: திருக்கச்சிமேற்றளி (பிள்ளைப்பாளையம்)

4.043   திருநாவுக்கரசர்   தேவாரம்   மறை அது பாடிப் பிச்சைக்கு Tune - திருநேரிசை:கொல்லி   (திருக்கச்சிமேற்றளி (பிள்ளைப்பாளையம்) திருமேற்றளிநாதர் திருமேற்றளிநாயகி)

7.021   சுந்தரமூர்த்தி சுவாமிகள்   திருப்பாட்டு   நொந்தா ஒண்சுடரே! நுனையே நினைந்திருந்தேன்; Tune - நட்டராகம்   (திருக்கச்சிமேற்றளி (பிள்ளைப்பாளையம்) திருமேற்றளியீசுவரர் காமாட்சியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.021