This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.026   சுந்தரமூர்த்தி சுவாமிகள்   திருப்பாட்டு திருக்காளத்தி - நட்டராகம் நடபைரவி பந்துவாராளி கனகவசந்தம் ராகத்தில் திருமுறை அருள்தரு ஞானப்பூங்கோதையம்மை உடனுறை அருள்மிகு காளத்திநாதர் திருவடிகள் போற்றி

https://www.youtube.com/watch?v=vU7izHQuO6s   Add audio link

செண்டா டும்விடையாய் சிவ னேயென் செழுஞ்சுடரே வண்டா ருங்குழலா ளுமை பாக மகிழ்ந்தவனே கண்டார் காதலிக்குங் கண நாதனெங் காளத்தியாய் அண்டா வுன்னையல்லால் அறிந் தேத்த மாட்டேனே.	1
இமையோர் நாயகனே இறை வாஎன் இடர்த்துணையே கமையார் கருணையினாய் கரு மாமுகில் போன்மிடற்றாய் உமையோர் கூறுடையாய் உரு வேதிருக் காளத்தியுள் அமைவே யுன்னையல்லால் அறிந் தேத்த மாட்டேனே.	2
படையார் வெண்மழுவா பக லோன்பல் லுகுத்தவனே விடையார் வேதியனே விளங் குங்குழைக் காதுடையாய் கடையார் மாளிகைசூழ் கண நாதனெங் காளத்தியாய் உடையாய் உன்னையல்லால் உகந் தேத்த மாட்டேனே.	3
மறிசேர் கையினனே மத மாவுரி போர்த்தவனே குறியே என்னுடைய குரு வேஉன்குற் றேவல்செய்வேன் நெறியே நின்றடியார் நினைக் குந்திருக் காளத்தியுள் அறிவே யுன்னையல்லால் அறிந் தேத்த மாட்டேனே.	4
செஞ்சே லன்னகண்ணார் திறத் தேகிடந் துற்றலறி நஞ்சேன் நானடியேன் நல மொன்றறி யாமையினால் துஞ்சேன் நானொருகாற் றொழு தேன்றிருக் காளத்தியாய் அஞ்சா துன்னையல்லால் அறிந் தேத்த மாட்டேனே.	5
Go to top
பொய்யவ னாயடியேன் புக வேநெறியொன் றறியேன் செய்யவ னாகிவந்திங் கிட ரானவை தீர்த்தவனே மெய்யவ னேதிருவே விளங் குந்திருக் காளத்திஎன் ஐயநுன் றன்னையல் லால் அறிந் தேத்த மாட்டேனே.	6
கடியேன் காதன்மையாற் கழற் போதறி யாதவென்னுள் குடியாக் கோயில்கொண்ட குளிர் வார்சடை யெங்குழகா முடியால் வானவர்கள் முயங் குந்திருக் காளத்தியாய் அடியே னுன்னையல்லால் அறி யேன்மற் றொருவரையே.	7
நீறார் மேனியனே நிம லாநினை யன்றிமற்றுக் கூறேன் நாவதனாற் கொழுந் தேயென் குணக்கடலே பாறார் வெண்டலையிற் பலி கொண்டுழல் காளத்தியாய் ஏறே யுன்னையல்லால் இனி ஏத்த மாட்டேனே.	8
தளிர்போல் மெல்லடியாள் தனை யாகத் தமர்ந்தருளி எளிவாய் வந்தெனுள்ளம் புகு தவல்ல எம்பெருமான் களியார் வண்டறையுந் திருக் காளத்தி யுள்ளிருந்த ஒளியே யுன்னையல்லால் இனி யொன்று முணரேனே.	9
காரூ ரும்பொழில்சூழ் கண நாதனெங் காளத்தியுள் ஆரா இன்னமுதை அணி நாவலா ரூரன்சொன்ன சீருர் செந்தமிழ்கள் செப்பு வார்வினை யாயினபோய்ப் பேரா விண்ணுலகம் பெறு வார்பிழைப் பொன்றிலரே.	10
Go to top

Thevaaram Link  - Shaivam Link
Other song(s) from this location: திருக்காளத்தி

3.036   திருஞானசம்பந்த சுவாமிகள்   திருக்கடைக்காப்பு   சந்தம், ஆர், அகிலொடு, சாதி, Tune - கொல்லி   (திருக்காளத்தி காளத்திநாதர் ஞானப்பூங்கோதையாரம்மை)

3.069   திருஞானசம்பந்த சுவாமிகள்   திருக்கடைக்காப்பு   வானவர்கள் தானவர்கள் வாதைபட வந்தது Tune - சாதாரி   (திருக்காளத்தி காளத்திநாதர் ஞானப்பூங்கோதையாரம்மை)

6.008   திருநாவுக்கரசர்   தேவாரம்   விற்று ஊண் ஒன்று இல்லாத Tune - திருத்தாண்டகம்   (திருக்காளத்தி காளத்திநாதர் ஞானப்பூங்கோதையாரம்மை)

7.026   சுந்தரமூர்த்தி சுவாமிகள்   திருப்பாட்டு   செண்டு ஆடும் விடையாய்! சிவனே! Tune - நட்டராகம்   (திருக்காளத்தி காளத்திநாதர் ஞானப்பூங்கோதையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.026