This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.036   சுந்தரமூர்த்தி சுவாமிகள்   திருப்பாட்டு திருப்பைஞ்ஞீலி - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு விசாலாட்சியம்மை உடனுறை அருள்மிகு மெய்ஞ்ஞான நீலகண்டேசுவரர் திருவடிகள் போற்றி

https://www.youtube.com/watch?v=v9LEhIMvFdE   Add audio link

காரு லாவிய நஞ்சை யுண்டிருள் கண்டர் வெண்டலை யோடுகொண் டூரெ லாந்திரிந் தென்செய் வீர்பலி ஓரி டத்திலே கொள்ளும் நீர் பாரெ லாம்பணிந் தும்மை யேபர விப்ப ணியும்பைஞ் ஞீலியீர் ஆர மாவது நாக மோசொலும் ஆர ணீய விடங்கரே.	1
சிலைத்து நோக்கும்வெள் ளேறு செந்தழல் வாய பாம்பது மூசெனும் பலிக்கு நீர்வரும் போது நுங்கையிற் பாம்பு வேண்டா பிரானிரே மலைத்த சந்தொடு வேங்கை கோங்கமும் மன்னு காரகில் சண்பகம் அலைக்கும் பைம்புனல் சூழ்பைஞ் ஞீலியில் ஆர ணீய விடங்கரே.	2
தூய வர்கண்ணும் வாயும் மேனியுந் துன்ன ஆடை சுடலையில் பேயொ டாடலைத் தவிரும் நீரொரு பித்த ரோஎம் பிரானிரே பாயும் நீர்க்கிடங் கார்க மலமும் பைந்தண் மாதவி புன்னையும் ஆய பைம்பொழில் சூழ்பைஞ் ஞீலியில் ஆர ணீய விடங்கரே.	3
செந்த மிழ்த்திறம் வல்லி ரோசெங்கண் அரவம் முன்கையில் ஆடவே வந்து நிற்குமி தென்கொ லோபலி மாற்ற மாட்டோ மிடகிலோம் பைந்தண் மாமலர் உந்து சோலைகள் கந்த நாறுபைஞ் ஞீலியீர் அந்தி வானமும் மேனி யோசொலும் ஆர ணீய விடங்கரே.	4
நீறு நுந்திரு மேனி நித்திலம் நீல்நெ டுங்கண்ணி னாளொடும் கூற ராய்வந்து நிற்றி ராற்கொணர்ந் திடகி லோம்பலி நடமினோ பாறு வெண்டலை கையி லேந்திப்பைஞ் ஞீலி யேனென்றீ ரடிகள்நீர் ஆறு தாங்கிய சடைய ரோசொலும் ஆர ணீய விடங்கரே.	5
Go to top
குரவம் நாறிய குழலி னார்வளை கொள்வ தேதொழி லாகிநீர் இரவும் இம்மனை அறிதி ரேஇங்கே நடந்து போகவும் வல்லிரே பரவி நாடொறும் பாடு வார்வினை பற்ற றுக்கும்பைஞ் ஞீலியீர் அரவம் ஆட்டவும் வல்லி ரோசொலும் ஆர ணீய விடங்கரே.	6
ஏடு லாமலர்க் கொன்றை சூடுதிர் என்பெ லாமணிந் தென்செய்வீர் காடு நும்பதி ஓடு கையது காதல் செய்பவர் பெறுவதென் பாடல் வண்டிசை யாலுஞ் சோலைப்பைஞ் ஞீலி யேனென்று நிற்றிரால் ஆடல் பாடலும் வல்லி ரோசொலும் ஆர ணீய விடங்கரே.	7
மத்த மாமலர்க் கொன்றை வன்னியுங் கங்கை யாளொடு திங்களும் மொய்த்த வெண்டலை கொக்கி றஃகொடு வெள்ளெ ருக்கமுஞ் சடையதாம் பத்தர் சித்தர்கள் பாடி யாடும்பைஞ் ஞீலி யேனென்று நிற்றிரால் அத்தி யீருரி போர்த்தி ரோசொலும் ஆர ணீய விடங்கரே.	8
தக்கை தண்ணுமை தாளம் வீணை தகுணிச் சங்கிணை சல்லரி கொக்க ரைகுட முழவி னோடிசை கூடிப் பாடிநின் றாடுவீர் பக்க மேகுயில் பாடுஞ் சோலைப்பைஞ் ஞீலி யேனென்று நிற்றிரால் அக்கும் ஆமையும் பூண்டி ரோசொலும் ஆர ணீய விடங்கரே.	9
கையொர் பாம்பரை யார்த்தொர் பாம்பு கழுத்தொர் பாம்பவை பின்புதாழ் மெய்யெ லாம்பொடிக் கொண்டு பூசுதிர் வேதம் ஓதுதிர் கீதமும் பைய வேவிடங் காக நின்றுபைஞ் ஞீலி யேனென்றீ ரடிகள்நீர் ஐயம் ஏற்குமி தென்கொ லோசொலும் ஆர ணீய விடங்கரே.	10
Go to top
அன்னஞ் சேர்வயல் சூழ்பைஞ் ஞீலியில் ஆர ணீய விடங்கரை மின்னு நுண்ணிடை மங்கை மார்பலர் வேண்டிக் காதல் மொழிந்தசொல் மன்னு தொல்புகழ் நாவ லூரன்வன் றொண்டன் வாய்மொழி பாடல்பத் துன்னி இன்னிசை பாடு வார்உமை கேள்வன் சேவடி சேர்வரே.	11

Thevaaram Link  - Shaivam Link
Other song(s) from this location: திருப்பைஞ்ஞீலி

3.014   திருஞானசம்பந்த சுவாமிகள்   திருக்கடைக்காப்பு   ஆரிடம் பாடலர், அடிகள், காடு Tune - காந்தாரபஞ்சமம்   (திருப்பைஞ்ஞீலி நீலகண்டேசுவரர் விசாலாட்சியம்மை)

5.041   திருநாவுக்கரசர்   தேவாரம்   உடையர் கோவணம், ஒன்றும் குறைவு Tune - திருக்குறுந்தொகை   (திருப்பைஞ்ஞீலி நீலகண்டேசுவரர் விசாலாட்சியம்மை)

7.036   சுந்தரமூர்த்தி சுவாமிகள்   திருப்பாட்டு   கார் உலாவிய நஞ்சை உண்டு Tune - கொல்லி   (திருப்பைஞ்ஞீலி மெய்ஞ்ஞான நீலகண்டேசுவரர் விசாலாட்சியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.036