This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.029   திருஞானசம்பந்த சுவாமிகள்   திருக்கடைக்காப்பு மேலைத்திருக்காட்டுப்பள்ளி - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு வார்கொண்டமுலையம்மை உடனுறை அருள்மிகு தீயாடியப்பர் திருவடிகள் போற்றி

https://www.youtube.com/watch?v=RWWoxMk9Bt8   Add audio link

வாரு மன்னும் முலை மங்கை ஓர் பங்கினன்; ஊரு மன்னும் பலி உண்பதும் வெண்தலை காரு மன்னும் பொழில் சூழ்ந்த காட்டுப்பள்ளி நீரு மன்னும் சடை நிமலர் தம் நீர்மையே!	1
நிருத்தனார், நீள் சடை மதியொடு பாம்பு அணி கருத்தனார் கடிபொழில் சூழ்ந்த காட்டுப்பள்ளி அருத்தனார்; அழகு அமர் மங்கை ஓர்பாகமாப் பொருத்தனார், கழல் இணை போற்றுதல் பொருளதே.	2
பண்ணின் ஆர் அருமறை பாடினார், நெற்றி ஓர் கண்ணினார் கடிபொழில் சூழ்ந்த காட்டுப்பள்ளி விண்ணின் ஆர் விரிபுனல் மேவினார், சடைமுடி அண்ணலார், எம்மை ஆள் உடைய எம் அடிகளே	3
பணம் கொள் நாகம் அரைக்கு ஆர்ப்பது; பல் பலி உணங்கல் ஓடு உண்கலன்; உறைவது காட்டு இடை கணங்கள் கூடித் தொழுது ஏத்து காட்டுப்பள்ளி நிணம் கொள் சூலப்படை நிமலர் தம் நீர்மையே!	4
வரை உலாம் சந்தொடு வந்து இழி காவிரிக் கரை உலாம் இடு மணல் சூழ்ந்த காட்டுப்பள்ளி திரை உலாம் கங்கையும் திங்களும் சூடி, அங்கு அரை உலாம் கோவணத்து அடிகள் வேடங்களே	5
Go to top
வேதனார், வெண்மழு ஏந்தினார், அங்கம் முன் ஓதினார், உமை ஒரு கூறனார், ஒண்குழைக் காதினார் கடி பொழில் சூழ்ந்த காட்டுப்பள்ளி நாதனார்; திருவடி நாளும் நின்று ஏத்துமே!	6
மையின் ஆர் மிடறனார், மான் மழு ஏந்திய கையினார் கடிபொழில் சூழ்ந்த காட்டுப்பள்ளி தையல் ஓர்பாகமாத் தண்மதி சூடிய ஐயனார்; அடி தொழ, அல்லல் ஒன்று இல்லையே.	7
சிலைதனால் முப்புரம் செற்றவன், சீரின் ஆர் மலைதனால் வல் அரக்கன் வலி வாட்டினான், கலைதனால் புறவு அணி மல்கு காட்டுப்பள்ளி தலைதனால் வணங்கிட, தவம் அது ஆகுமே.	8
செங்கண் மால், திகழ்தரு மலர் உறை திசைமுகன், தம் கையால்-தொழுது எழ, தழல் உரு ஆயினான்- கங்கை ஆர் சடையினான்-கருது காட்டுப்பள்ளி அம் கையால் தொழுமவர்க்கு, அல்லல் ஒன்று இல்லையே.	9
போதியார், பிண்டியார், என்ற அப்பொய்யர்கள் வாதினால் உரை அவை மெய் அல; வைகலும், காரின் ஆர் கடி பொழில் சூழ்ந்த காட்டுப்பள்ளி ஏரினால்-தொழுது எழ, இன்பம் வந்து எய்துமே.	10
Go to top
பொரு புனல் புடை அணி புறவ நன் நகர் மனன்- அருமறை அவை வல அணி கொள் சம்பந்தன்-சொல், கருமணி மிடற்றினன் கருது காட்டுப்பள்ளி பரவிய தமிழ் சொல, பறையும், மெய்ப் பாவமே.	11

Thevaaram Link  - Shaivam Link
Other song(s) from this location: மேலைத்திருக்காட்டுப்பள்ளி

3.029   திருஞானசம்பந்த சுவாமிகள்   திருக்கடைக்காப்பு   வாரு மன்னும் முலை மங்கை Tune - கொல்லி   (மேலைத்திருக்காட்டுப்பள்ளி தீயாடியப்பர் வார்கொண்டமுலையம்மை)

5.084   திருநாவுக்கரசர்   தேவாரம்   மாட்டுப் பள்ளி மகிழ்ந்து உறைவீர்க்கு Tune - திருக்குறுந்தொகை   (மேலைத்திருக்காட்டுப்பள்ளி ஆரணியசுந்தரர் அகிலாண்டநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song pathigam no 3.029