This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.050   சுந்தரமூர்த்தி சுவாமிகள்   திருப்பாட்டு திருப்புனவாயில் - பழம்பஞ்சுரம் யாகப்பிரியா சங்கராபரணம் கலஹம்சா ராகத்தில் திருமுறை அருள்தரு பரங்கருணைநாயகியம்மை உடனுறை அருள்மிகு பழம்பதிநாயகர் திருவடிகள் போற்றி

https://www.youtube.com/watch?v=MyUtjA-_VqI  https://www.youtube.com/watch?v=TzdBCOhKDC4   Add audio link

சித்தம்! நீ நினை! என்னொடு சூள் அறு, வைகலும்! மத்தயானையின் ஈர் உரி போர்த்த மணாளன் ஊர் பத்தர் தாம் பலர் பாடி நின்று ஆடும் பழம் பதி, பொத்தில் ஆந்தைகள் பாட்டு அறா புனவாயிலே.	1
கருது நீ, மனம்! என்னொடு சூள் அறு, வைகலும்! எருது மேற்கொளும் எம்பெருமாற்கு இடம் ஆவது மருத வானவர் வைகும் இடம், மற வேடுவர் பொருது, சாத்தொடு, பூசல் அறா புனவாயிலே.	2
தொக்கு ஆய மனம்! என்னொடு சூள் அறு, வைகலும்! நக்கான், நமை ஆள் உடையான், நவிலும்(ம்) இடம் அக்கோடு அரவு ஆர்த்த பிரான் அடிக்கு அன்பராய்ப் புக்கார் அவர் போற்று ஒழியா புனவாயிலே.	3
வற்கென்று இருத்தி கண்டாய், மனம்! என்னொடு சூள் அறு, வைகலும்! பொன் குன்றம் சேர்ந்தது ஓர் காக்கை பொன் ஆம்; அதுவே புகல் கல்குன்றும், தூறும், கடு வெளியும், கடல் கானல் வாய்ப் புற்கென்று தோன்றிடும் எம் பெருமான் புனவாயிலே.	4
நில்லாய், மனம்! என்னொடு சூள் அறு, வைகலும்! நல்லான் நமை ஆள் உடையான் நவிலும்(ம்) இடம் வில் வாய்க் கணை வேட்டுவர் ஆட்ட, வெகுண்டு போய்ப் புல் வாய்க் கணம் புக்கு ஒளிக்கும் புனவாயிலே.	5
Go to top
மறவல் நீ, மனம்! என்னொடு சூள் அறு, வைகலும்! உறவும் ஊழியும் ஆய பெம்மாற்கு இடம் ஆவது பிறவு கள்ளியின் நீள் கவட்டு ஏறித் தன் பேடையைப் புறவம் கூப்பிடப் பொன் புனம் சூழ் புனவாயிலே.	6
ஏசு அற்று நீ நினை, என்னொடு சூள் அறு, வைகலும்! பாசு அற்றவர் பாடி நின்று ஆடும் பழம் பதி தேசத்து அடியவர் வந்து இருபோதும் வணங்கிடப் பூசல்-துடி பூசல் அறா புனவாயிலே.	7
கொள்ளி வாயின கூர் எயிற்று ஏனம் கிழிக்கவே தெள்ளி மா மணி தீவிழிக்கும்(ம்) இடம் செந் தறை கள்ளி வற்றி, புல் தீந்து, வெங் கானம் கழிக்கவே, புள்ளி மான் இனம் புக்கு ஒளிக்கும் புனவாயிலே.	8
எற்றே, நினை! என்னொடும் சூள் அறு, வைகலும்! மற்று ஏதும் வேண்டா, வல்வினை ஆயின மாய்ந்து அற; கல்-தூறு கார்க் காட்டு இடை மேய்ந்த கார்க்கோழி போயப் புற்று ஏறி, கூ கூ என அழைக்கும் புனவாயிலே.	9
பொடி ஆடு மேனியன் பொன் புனம் சூழ் புனவாயிலை அடியார் அடியன்-நாவல் ஊரன்-உரைத்தன மடியாது கற்று இவை ஏத்த வல்லார், வினை மாய்ந்து போய்க் குடி ஆக, பாடி நின்று ஆட வல்லார்க்கு இல்லை, குற்றமே.	10
Go to top

Thevaaram Link  - Shaivam Link
Other song(s) from this location: திருப்புனவாயில்

3.011   திருஞானசம்பந்த சுவாமிகள்   திருக்கடைக்காப்பு   மின் இயல் செஞ்சடை வெண்பிறையன், Tune - காந்தாரபஞ்சமம்   (திருப்புனவாயில் புனவாயிலீசுவரர் கருணையீசுவரியம்மை)

7.050   சுந்தரமூர்த்தி சுவாமிகள்   திருப்பாட்டு   சித்தம்! நீ நினை! என்னொடு Tune - பழம்பஞ்சுரம்   (திருப்புனவாயில் பழம்பதிநாயகர் பரங்கருணைநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song pathigam no 7.050