sivaya.org
Please set your language preference
by clicking below languages link
|
| சிவய.திருக்கூட்டம் sivaya.org Please set your language preference by clicking below languages link |
Selected Thiruppugazh
Thiruppugazh Thalangal
All Thiruppugazh Songs
Thiruppugazh by Santham
This page in
Tamil
Hindi/Sanskrit
Telugu
Malayalam
Bengali
Kannada
English
ITRANS
Marati
Gujarathi
Oriya
Singala
Tibetian
Thai
Japanese
Urdu
Cyrillic/Russian
Spanish
Hebrew
Thiruppugazh from Thalam: திருப்பூவணம்
1329 அறப்பாவை அத்தற்கு 1331 பந்தப்பொற் பார 1330 வானவராதி யோர்
1329
திருப்பூவணம் அறப்பாவை அத்தற்கு தனத்தான தத்தத் ...... தனதானா
தனத்தான தத்தத் ...... தனதானா
அறப்பாவை அத்தற் ...... கருள்பாலா
அளித்தாது வெட்சித் ...... திருமார்பா
குறப்பாவை அற்பிற் ...... புணர்வோனே
குலத்தேவ வர்க்கப் ...... பரிபாலா
மறப்பாத கத்துற் ...... றுழல்வேனோ
மலர்த்தாள்வ ழுத்தக் ...... க்ருபையீவாய்
சிறப்பான முத்திக் ...... கொருவாழ்வே
திருப்பூவ ணத்திற் ...... பெருமாளே.
......... உரை .........
சிறப்பான முத்தியை அளிக்கக் கூடிய பூவணத்தில் எழுந்தருளியுள்ள
பெருமானே! முருகா! நீ அறப்பாவையான தேவசேனையின் இனத்தைச்
சார்ந்த தேவர்களுக்கு அருளுகின்றவன். எப்போதும் வெற்றியை
அளிக்கக்கூடிய வெட்சி மாலையை மார்பினில் அணிந்தவன். குறப்
பாவையாகிய வள்ளியின் அன்பிற்கு அடிமையானவன். தேவர்களின்
குலம் பெருக பரிபாலனம் செய்வோன். இவ்வளவு உயரிய நீ, மிகக் கொடிய
பாவங்கள் செய்து மாபாதகத்துள் உழலும் என்னைக் காத்து மலர்போன்ற
உனது தாளை வணங்கிட அருள் செய்வாய்.
Add (additional) Audio/Video Link
1330
திருப்பூவணம் வானவராதி யோர் தானனதான தானனதான தானனதான ...... தனதான
தானனதான தானனதான தானனதான ...... தனதான
வானவராதி யோர்சிறைமேவ மாவலியேசெய் ...... திடுசூரன்
மார்பிருகூற தாய்விடவாரி வாய்விடவேலை ...... விடுதீரா
கானவர்பாவை காதலனான காசணிபார ...... தனமார்பா
காலனைமோது காலகபால காளகளேசர் ...... தருபாலா
தேனமர்நீப மாலைவிடாத சேவகஞான ...... முதல்வோனே
தீயகுணாதி பாவிநினாது சேவடிகாண ...... அருள்வாயே
போனகசாலை யாதுலர்வாழ வீதிகடோறும் ...... நனிமேவு
பூவணமான மாநகர்வாழு நாதகுகேச ...... பெருமாளே.
குறிப்பு:
காளகளேசர்=விசத்தைக் கண்டத்திலுடையவர்,
போனகம்=போஜனம்=அன்னம்.
......... உரை .........
வானவர்கள் அனைவரும் பத்மாசுரனால் சிறையில் அடைக்கப்பட்டனர்.
மிகவும் வலிமை பொருந்திய இந்த அசுரனின் மார்பினை இரண்டு
கூறாக ஆக்கிடுமாறு வேலைவிடுத்த தீரனாகிய முருகப் பெருமானே!
கானகத்தின் குறமகளான வள்ளியின் காதலுக்கு அடிமையானவனே!
எமனை எதிர்த்து காலங்களையெல்லாம் கடந்து ஆலகால விசத்தையுண்ட
பரமேசுரனின் மைந்தனே! தேன் உதிரும் நீபமாலையை எப்பொழுதும்
அணிந்து சேவக ஞான முதல்வனாய் விளங்குபவனே.
தீயகுணங்களைக் கொண்ட பாவியாகிய நான் உனது சேவடிகளைக்
காண நீ அருளவேண்டும். வீதிகள் தோறும் அன்னதானம் நடைபெறும்
சிறப்புப் பெற்ற திருப்பூவணமான மாநகரில் வாழும் நாதகுகேசப்
பெருமானே, நீ எனக்கு அருளவேண்டும்.
Add (additional) Audio/Video Link
1331
திருப்பூவணம் பந்தப்பொற் பார தந்தத்தத் தானன தானன
தந்தத்தத் தானன தானன
தந்தத்தத் தானன தானன ...... தனதானா
பந்தற்பொற் பாரப யோதர
முந்தச்சிற் றாடைசெய் மேகலை
பண்புற்றுத் தாளொடு வீசிய ...... துகிலோடே
பண்டைச்சிற் சேறியில் வீதியில்
கண்டிச்சித் தாரொடு மேவிடு
பங்குக்கைக் காசுகொள் வேசையர் ...... பனிநீர்தோய்
கொந்துச்சிப் பூவணி தோகையர்
கந்தக்கைத் தாமரை யாலடி
கும்பிட்டுப் பாடிசை வீணையர் ...... அநுராகங்
கொண்டுற்றுப் பாயலின் மூழ்கிய
சண்டிச்சிக் சீயென வாழ்துயர்
குன்றப்பொற் பாதக்ரு பாநிதி ...... அருள்வாயே
அந்தத்துக் காதியு மாகியு
மந்திக்குட் டானவ னானவ
னண்டத்தப் பாலுற மாமணி ...... ஒளிவீசும்
அங்கத்தைப் பாவைசெய் தேயுயர்
சங்கத்திற் றேர்தமி ழோதிட
அண்டிக்கிட் டார்கழு வேறினர் ...... ஒருகோடி
சந்தத்திக் காளுநி சாசரர்
வெந்துட்கத் தூளிப டாமெழ
சண்டைச்சொற் றார்பட வேவயில் ...... விடுவோனே
தங்கச்சக் ராயுதர் வானவர்
வந்திக்கப் பேரரு ளேதிகழ்
தம்பப்பொற் பூவண மேவிய ...... பெருமாளே.
Add (additional) Audio/Video Link
This page was last modified on Thu, 09 May 2024 01:44:51 -0400