திருப்புகழ் # 932 - Thiruppugazh song

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian

932 திருப்பாண்டிக்கொடுமுடி திருப்புகழ் ( குருஜி இராகவன் # 251 - வாரியார் # 942 )
இருவினைப் பிறவி
முன் திருப்புகழ் அடுத்த திருப்புகழ்

தனதனத் தனனத் ...... தனதான

இருவினைப் பிறவிக் ...... கடல்மூழ்கி
     இடர்கள்பட் டலையப் ...... புகுதாதே
திருவருட் கருணைப் ...... ப்ரபையாலே
     திரமெனக் கதியைப் ...... பெறுவேனோ
அரியயற் கறிதற் ...... கரியானே
     அடியவர்க் கெளியற் ...... புதநேயா
குருவெனச் சிவனுக் ...... கருள்போதா
     கொடுமுடிக் குமரப் ...... பெருமாளே.

Easy Version:
இருவினைப் பிறவிக் கடல்மூழ்கி
இடர்கள்பட்டு அலையப் புகுதாதே
திருவருட் கருணைப் ப்ரபையாலே
திரமெனக் கதியைப் பெறுவேனோ
அரியயற்கு அறிதற்கு அரியானே
அடியவர்க்கு எளிய அற்புதநேயா
குருவெனச் சிவனுக்கு அருள்போதா
கொடுமுடிக் குமரப் பெருமாளே.

Add (additional) Audio/Video Link

இருவினைப் பிறவிக் கடல்மூழ்கி ... நல்வினை, தீவினை
இரண்டின் காரணமாக ஏற்படும் பிறவி என்ற கடலில் மூழ்கி,
இடர்கள்பட்டு அலையப் புகுதாதே ... துயரங்கள் ஏற்பட்டு
அலைந்து திரியப் புகாமல்,
திருவருட் கருணைப் ப்ரபையாலே ... உனது திருவருளாம்
கருணையென்னும் ஒளியாலே
திரமெனக் கதியைப் பெறுவேனோ ... உறுதியான வகையில்
நான் நற்கதியைப் பெறமாட்டேனோ?
அரியயற்கு அறிதற்கு அரியானே ... திருமாலும் பிரம்மாவும்
அறிவதற்கு அரியவனே,
அடியவர்க்கு எளிய அற்புதநேயா ... உன் அடியவர்க்கு எளிதாகக்
கிட்டும் அற்புதமான நண்பனே,
குருவெனச் சிவனுக்கு அருள்போதா ... குருமூர்த்தியாக
சிவபிரானுக்கு அருளிய ஞானாசிரியனே,
கொடுமுடிக் குமரப் பெருமாளே. ... கொடுமுடித் தலத்தில்
வீற்றிருக்கும் பெருமாளே.

Songs from this thalam திருப்பாண்டிக்கொடுமுடி

1
	send corrections and suggestions to admin-at-sivaya.org thiruppugazh song

இருவினைப் பிறவி

thiruppugazh song