This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

168   பழநி திருப்புகழ் ( குருஜி இராகவன் # 80 - வாரியார் # 123 )
திமிர உததி
முன் திருப்புகழ்   அடுத்த திருப்புகழ்

தனன தனன தனன தனன      தனன தனன ...... தனதான

திமிர வுததி யனைய நரக      செனன மதனில் ...... விடுவாயேல் செவிடு குருடு வடிவு குறைவு      சிறிது மிடியு ...... மணுகாதே அமரர் வடிவு மதிக குலமு      மறிவு நிறையும் ...... வரவேநின் அருள தருளி யெனையு மனதொ      டடிமை கொளவும் ...... வரவேணும் சமர முகவெ லசுரர் தமது      தலைக ளுருள ...... மிகவேநீள் சலதி யலற நெடிய பதலை      தகர அயிலை ...... விடுவோனே வெமர வணையி லினிது துயிலும்      விழிகள் நளினன் ...... மருகோனே மிடறு கரியர் குமர பழநி      விரவு மமரர் ...... பெருமாளே.

திமிர வுததி யனைய நரக      செனன மதனில் விடுவாயேல் செவிடு குருடு வடிவு குறைவு      சிறிது மிடியும் அணுகாதே அமரர் வடிவும் அ திக குலமும்      அறிவு நிறையும் வரவே நின் அருள தருளி எனையு மனதோடு      அடிமை கொளவும் வரவேணும் சமர முகவெல் அசுரா தமது      தலைக ளுருள மிகவேநீள் சலதி யலற நெடிய பதலை      தகர அயிலை விடுவோனே வெமர வணையி லினிது துயிலும்      விழிகள் நளினன் மருகோனே மிடறு கரியர் குமர பழநி      விரவு மமரர் பெருமாளே.

இருண்ட கடல் போன்றதும், நரகத்திற்கு ஒப்பானதும் ஆன பிறப்பு என்பதில் நீ என்னை விழும்படியாகச் செய்தால், செவிடு, குருடு, அங்கஹீனம், சிறிதேனும் வறுமை என்பவை ஏதும் இல்லாது, தேவ லக்ஷணமும், உயர் குடிப்பிறப்பும், அறிவும், நீதி ஒழுக்கமும் எனக்கு வருமாறு உனது திருவருளைத் தந்தருளி, என்னையும் நீ மனம்வைத்து உன் அடிமையாக ஆட்கொள்ள வரவேண்டும். போர்க்களத்தில் வெல்லப்பட்ட அசுரர்களின் தலைகள் உருளும்படியாக, மிகப் பெரிய கடல் அலறும்படியாக, நீண்டுயர்ந்த கிரெளஞ்சமலை பொடியாக, வேலினைச் செலுத்தியவனே, பாம்புப் படுக்கையில் இனிதே துயிலும் தாமரைக்கண்ணன் திருமால் மருகனே, கண்டம் கறுத்த (நீலகண்ட) சிவனின் குமரனே, பழனியில் வந்து தொழும் தேவர்களின் பெருமாளே.

Audio/Video Link(s)

Add (additional) Audio/Video Link

திமிர வுததி யனைய ... இருண்ட கடல் போன்றதும், நரகசெனன மதனில் ... நரகத்திற்கு ஒப்பானதும் ஆன பிறப்பு என்பதில் விடுவாயேல் ... நீ என்னை விழும்படியாகச் செய்தால், செவிடு குருடு வடிவு குறைவு ... செவிடு, குருடு, அங்கஹீனம், சிறிது மிடியும் அணுகாதே ... சிறிதேனும் வறுமை என்பவை ஏதும் இல்லாது, அமரர் வடிவும் அ திக குலமும் ... தேவ லக்ஷணமும், உயர் குடிப்பிறப்பும், அறிவு நிறையும் வரவே ... அறிவும், நீதி ஒழுக்கமும் எனக்கு வருமாறு நின் அருள தருளி ... உனது திருவருளைத் தந்தருளி, எனையு மனதோடு ... என்னையும் நீ மனம்வைத்து அடிமை கொளவும் வரவேணும் ... உன் அடிமையாக ஆட்கொள்ள வரவேண்டும். சமர முகவெல் அசுரா தமது ... போர்க்களத்தில் வெல்லப்பட்ட அசுரர்களின் தலைக ளுருள ... தலைகள் உருளும்படியாக, மிகவேநீள் சலதி யலற ... மிகப் பெரிய கடல் அலறும்படியாக, நெடிய பதலை தகர ... நீண்டுயர்ந்த கிரெளஞ்சமலை பொடியாக, அயிலை விடுவோனே ... வேலினைச் செலுத்தியவனே, வெமர வணையி லினிது துயிலும் ... பாம்புப் படுக்கையில் இனிதே துயிலும் விழிகள் நளினன் மருகோனே ... தாமரைக்கண்ணன் திருமால் மருகனே, மிடறு கரியர் குமர ... கண்டம் கறுத்த (நீலகண்ட) சிவனின் குமரனே, பழநி விரவு மமரர் பெருமாளே. ... பழனியில் வந்து தொழும் தேவர்களின் பெருமாளே.

Similar songs:

129 - கரிய பெரிய (பழநி)

தனன தனன தனன தனன
     தனன தனன ...... தனதான

165 - தமரும் அமரும் (பழநி)

தனன தனன தனன தனன
     தனன தனன ...... தனதான

168 - திமிர உததி (பழநி)

தனன தனன தனன தனன
     தனன தனன ...... தனதான

1064 - குருதி ஒழுகி (பொதுப்பாடல்கள்)

தனன தனன தனன தனன
     தனன தனன ...... தனதான

1065 - துயரம் அறு நின் (பொதுப்பாடல்கள்)

தனன தனன தனன தனன
     தனன தனன ...... தனதான

Songs from this thalam பழநி

This page was last modified on Fri, 11 Apr 2025 05:32:46 +0000
 

1
	send corrections and suggestions to admin-at-sivaya.org thiruppugazh song sequence no 168 thalam %E0%AE%AA%E0%AE%B4%E0%AE%A8%E0%AE%BF thiru name %E0%AE%A4%E0%AE%BF%E0%AE%AE%E0%AE%BF%E0%AE%B0+%E0%AE%89%E0%AE%A4%E0%AE%A4%E0%AE%BF