This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.112   திருஞானசம்பந்த சுவாமிகள்   திருக்கடைக்காப்பு திருச்சிவபுரம் - வியாழக்குறிஞ்சி தீரசங்கராபரணம் செளராஷ்டிரம் கவுடாமல்ஹார் ராகத்தில் திருமுறை அருள்தரு பெரியநாயகியம்மை உடனுறை அருள்மிகு பிரமபுரிநாயகர் திருவடிகள் போற்றி

https://www.youtube.com/watch?v=XgZQga40iFg   Add audio link

இன்குர லிசைகெழும் யாழ்முரலத் தன்கர மருவிய சதுரனகர் பொன்கரை பொருபழங் காவிரியின் தென்கரை மருவிய சிவபுரமே.	1
அன்றடற் காலனைப் பாலனுக்காய்ப் பொன்றிட வுதைசெய்த புனிதனகர் வென்றிகொ ளெயிற்றுவெண் பன்றிமுன்னாள் சென்றடி வீழ்தரு சிவபுரமே.	2
மலைமகண் மறுகிட மதகரியைக் கொலைமல்க வுரிசெய்த குழகனகர் அலைமல்கு மரிசிலி னதனயலே சிலைமல்கு மதிளணி சிவபுரமே.	3
மண்புன லனலொடு மாருதமும் விண்புனை மருவிய விகிர்தனகர் பண்புனை குரல்வழி வண்டுகிண்டிச் செண்பக மலர்பொழிற் சிவபுரமே.	4
வீறுநன் குடையவள் மேனிபாகம் கூறுநன் குடையவன் குளிர்நகர்தான் நாறுநன் குரவிரி வண்டுகிண்டித் தேறலுண் டெழுதரு சிவபுரமே.	5
Go to top
மாறெதிர் வருதிரி புரமெரித்து நீறது வாக்கிய நிமலனகர் நாறுடை நடுபவ ருழவரொடும் சேறுடை வயலணி சிவபுரமே.	6
ஆவிலைந் தமர்ந்தவ னரிவையொடு மேவிநன் கிருந்ததொர் வியனகர்தான் பூவில்வண் டமர்தரு பொய்கையன்னச் சேவல்தன் பெடைபுல்கு சிவபுரமே.	7
எழின்மலை யெடுத்தவல் லிராவணன்றன் முழுவலி யடக்கிய முதல்வனகர் விழவினி லெடுத்தவெண் கொடிமிடைந்து செழுமுகி லடுக்கும்வண் சிவபுரமே.	8
சங்கள வியகையன் சதுர்முகனும் அங்கள வறிவரி யவனகர்தான் கங்குலும் பறவைகள் கமுகுதொறும் செங்கனி நுகர்தரு சிவபுரமே.	9
மண்டையிற் குண்டிகை மாசுதரும் மிண்டரை விலக்கிய விமலனகர் பண்டமர் தருபழங் காவிரியின் தெண்டிரை பொருதெழு சிவபுரமே.	10
Go to top
சிவனுறை தருசிவ புரநகரைக் கவுணியர் குலபதி காழியர்கோன் தவமல்கு தமிழிவை சொல்லவல்லார் நவமொடு சிவகதி நண்ணுவரே.	11

Thevaaram Link  - Shaivam Link
Other song(s) from this location: திருச்சிவபுரம்

1.021   திருஞானசம்பந்த சுவாமிகள்   திருக்கடைக்காப்பு   புவம், வளி, கனல், புனல், Tune - நட்டபாடை   (திருச்சிவபுரம் பிரமபுரிநாயகர் பெரியநாயகியம்மை)

1.112   திருஞானசம்பந்த சுவாமிகள்   திருக்கடைக்காப்பு   இன்குரல் இசை கெழும் யாழ் Tune - வியாழக்குறிஞ்சி   (திருச்சிவபுரம் பிரமபுரிநாயகர் பெரியநாயகியம்மை)

1.125   திருஞானசம்பந்த சுவாமிகள்   திருக்கடைக்காப்பு   கலை மலி அகல் அல்குல் Tune - வியாழக்குறிஞ்சி   (திருச்சிவபுரம் பிரமபுரிநாயகர் பெரியநாயகியம்மை)

6.087   திருநாவுக்கரசர்   தேவாரம்   வானவன் காண்; வானவர்க்கும் மேல் Tune - திருத்தாண்டகம்   (திருச்சிவபுரம் பிரமபுரிநாயகர் பெரியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.112