This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.118   திருஞானசம்பந்த சுவாமிகள்   திருக்கடைக்காப்பு திருப்பருப்பதம் (ஸ்ரீசைலம்) - வியாழக்குறிஞ்சி தீரசங்கராபரணம் செளராஷ்டிரம் கவுடாமல்ஹார் ராகத்தில் திருமுறை அருள்தரு பருப்பதமங்கையம்மை உடனுறை அருள்மிகு பருப்பதேசுவரர் திருவடிகள் போற்றி

https://www.youtube.com/watch?v=70GGL3BPf4w   Add audio link

சுடுமணி யுமிழ்நாகஞ் சூழ்தர வரைக்கசைத்தான் இடுமணி யெழிலானை யேறல னெருதேறி விடமணி மிடறுடையான் மேவிய நெடுங்கோட்டுப் படுமணி விடுசுடரார் பருப்பதம் பரவுதுமே.	1
நோய்புல்கு தோறிரைய நரைவரு நுகருடம்பில் நீபுல்கு தோற்றமெல்லா நினையுள்கு மடநெஞ்சே வாய்புல்கு தோத்திரத்தால் வலஞ்செய்து தலைவணங்கிப் பாய்புலித் தோலுடையான் பருப்பதம் பரவுதுமே.	2
துனியுறு துயர்தீரத் தோன்றியோர் நல்வினையால் இனியுறு பயனாத லிரண்டுற மனம்வையேல் கனியுறு மரமேறிக் கருமுசுக் கழையுகளும் பனியுறு கதிர்மதியான் பருப்பதம்பரவுதுமே.	3
கொங்கணி நறுங்கொன்றைத் தொங்கலன் குளிர்சடையான் எங்கணோ யகலநின்றா னெனவரு ளீசனிடம் ஐங்கணை வரிசிலையா னநங்கனை யழகழித்த பைங்கண்வெள் ளேறுடையான் பருப்பதம் பரவுதுமே.	4
துறைபல சுனைமூழ்கித்தூமலர் சுமந்தோடி மறையொலி வாய்மொழியால் வானவர் மகிழ்ந்தேத்தச் சிறையொலி கிளிபயிலுந் தேனின மொலியோவாப் பறைபடு விளங்கருவிப் பருப்பதம் பரவுதுமே.	5
Go to top
சீர்கெழு சிறப்போவாச் செய்தவ நெறிவேண்டில் ஏர்கெழு மடநெஞ்சே யிரண்டுற மனம்வையேல் கார்கெழு நறுங்கொன்றைக் கடவுள திடம்வகையால் பார்கெழு புகழோவாப் பருப்பதம் பரவுதுமே.	6
புடைபுல்கு படர்கமலம் புகையொடு விரைகமழத் தொடைபுல்கு நறுமாலை திருமுடி மிசையேற விடைபுல்கு கொடியேந்தி வெந்தவெண் ணீறணிவான் படைபுல்கு மழுவாளன் பருப்பதம் பரவுதுமே.	7
நினைப்பெனு நெடுங்கிணற்றை நின்றுநின் றயராதே மனத்தினை வலித்தொழிந்தே னவலம்வந் தடையாமைக் கனைத்தெழு திரள்கங்கை கமழ்சடைக் கரந்தான்றன் பனைத்திரள் பாயருவிப் பருப்பதம் பரவுதுமே.	8
மருவிய வல்வினைநோ யவலம்வந் தடையாமல் திருவுரு வமர்ந்தானுந் திசைமுக முடையானும் இருவரு மறியாமை யெழுந்ததோரெரிநடுவே பருவரை யுறநிமிர்ந்தான் பருப்பதம் பரவுதுமே.	9
சடங்கொண்ட சாத்திரத்தார் சாக்கியர் சமண்குண்டர் மடங்கொண்ட விரும்பியராய் மயங்கியோர் பேய்த்தேர்ப்பின் குடங்கொண்டு நீர்க்குச்செல்வார் போதுமின் குஞ்சரத்தின் படங்கொண்ட போர்வையினான் பருப்பதம் பரவுதுமே.	10
Go to top
வெண்செநெல் விளைகழனி விழவொலி கழுமலத்தான் பண்செலப் பலபாட லிசைமுரல் பருப்பதத்தை நன்சொலி னாற்பரவு ஞானசம் பந்தனல்ல ஒண்சொலி னிவைமாலை யுருவெணத் தவமாமே.	11

Thevaaram Link  - Shaivam Link
Other song(s) from this location: திருப்பருப்பதம் (ஸ்ரீசைலம்)

1.118   திருஞானசம்பந்த சுவாமிகள்   திருக்கடைக்காப்பு   சுடுமணி உமிழ் நாகம் சூழ்தர Tune - வியாழக்குறிஞ்சி   (திருப்பருப்பதம் (ஸ்ரீசைலம்) பருப்பதேசுவரர் பருப்பதமங்கையம்மை)

4.058   திருநாவுக்கரசர்   தேவாரம்   கன்றினார் புரங்கள் மூன்றும் கனல்-எரி Tune - திருநேரிசை:காந்தாரம்   (திருப்பருப்பதம் (ஸ்ரீசைலம்) பருப்பதேசுவரர் மனோன்மணியம்மை)

7.079   சுந்தரமூர்த்தி சுவாமிகள்   திருப்பாட்டு   மானும், மரை இனமும், மயில் Tune - நட்டபாடை   (திருப்பருப்பதம் (ஸ்ரீசைலம்) பருவதநாதர் பருவதநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.118