This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.134   திருஞானசம்பந்த சுவாமிகள்   திருக்கடைக்காப்பு திருப்பறியலூர் (பரசலூர்) - மேகராகக்குறிஞ்சி கவாம்போதி நீலாம்பரி காஞ்சனபௌலி ராகத்தில் திருமுறை அருள்தரு உடனுறை அருள்மிகு திருவீரட்டம் திருவடிகள் போற்றி

https://www.youtube.com/watch?v=zlaSEA7kXxw   Add audio link

கருத்தன் கடவுள் கனலேந் தியாடும் நிருத்தன் சடைமே னிரம்பா மதியன் திருத்த முடையார் திருப்பறி யலூரில் விருத்த னெனத்தகும் வீரட்டத் தானே.	1
மருந்த னமுதன் மயானத்துண் மைந்தன் பெருந்தண் புனற்சென்னி வைத்த பெருமான் திருந்து மறையோர் திருப்பறி யலூரில் விரிந்த மலர்ச்சோலை வீரட்டத் தானே.	2
குளிர்ந்தார் சடையன் கொடுஞ்சிலை விற்காமன் விளிந்தா னடங்க வீந்தெய்தச் செற்றான் தெளிந்தார் மறையோர் திருப்பறி யலூரில் மிளிர்ந்தார் மலர்ச்சோலை வீரட்டத் தானே.	3
பிறப்பாதி யில்லான் பிறப்பார் பிறப்புச் செறப்பாதி யந்தஞ் செலச்செய்யுந் தேசன் சிறப்பா டுடையார் திருப்பறி யலூரில் விறற்பா ரிடஞ்சூழ வீரட்டத் தானே.	4
கரிந்தா ரிடுகாட்டி லாடுங்க பாலி புரிந்தார் படுதம் புறங்காட்டி லாடும் தெரிந்தார் மறையோர் திருப்பறிய லூரில் விரிந்தார் மலர்ச்சோலை வீரட்டத் தானே.	5
Go to top
அரவுற்ற நாணா வனலம்ப தாகச் செருவுற் றவர்புரந் தீயெழச் செற்றான் தெருவிற் கொடிசூழ் திருப்பறி யலூரில் வெருவுற் றவர்தொழும் வீரட்டத் தானே.	6
நரையார் விடையா னலங்கொள் பெருமான் அரையா ரரவம் மழகா வசைத்தான் திரையார் புனல்சூழ் திருப்பறி யலூரில் விரையார் மலர்ச்சோலை வீரட்டத் தானே.	7
வளைக்கும் மெயிற்றின் னரக்கன் வரைக்கீழ் இளைக்கும் படிதா னிருந்தேழை யன்னம் திளைக்கும் படுகர்த் திருப்பறி யலூரில் விளைக்கும் வயல்சூழ்ந்த வீரட்டத் தானே.	8
விளங்கொண் மலர்மே லயனோத வண்ணன் துளங்கும் மனத்தார் தொழத்தழ லாய்நின்றான் இளம்கொம் பனாளோ டிணைந்தும் பிணைந்தும் விளங்குந் திருப்பறியல் வீரட்டத் தானே.	9
சடையன் பிறையன் சமண்சாக் கியரோ டடையன் பிலாதா னடியார் பெருமான் உடையன் புலியி னுரிதோ லரைமேல் விடையன் றிருப்பறியல் வீரட்டத் தானே.	10
Go to top
நறுநீ ருகுங்காழி ஞானசம் பந்தன் வெறிநீர்த் திருப்பறியல் வீரட்டத் தானைப் பொறிநீ டரவன் புனைபாடல் வல்லார்க் கறுநீ டவல மறும்பிறப் புத்தானே.	11

Thevaaram Link  - Shaivam Link
Other song(s) from this location: திருப்பறியலூர் (பரசலூர்)

1.134   திருஞானசம்பந்த சுவாமிகள்   திருக்கடைக்காப்பு   கருத்தன், கடவுள், கனல் ஏந்தி Tune - மேகராகக்குறிஞ்சி   (திருப்பறியலூர் (பரசலூர்) திருவீரட்டம் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.134