This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.081   திருஞானசம்பந்த சுவாமிகள்   திருக்கடைக்காப்பு திருவேணுபுரம் (சீர்காழி) - காந்தாரம் லதாங்கி நவரோசு கனநப்ரியா ராகத்தில் திருமுறை அருள்தரு திருநிலைநாயகி உடனுறை அருள்மிகு பிரமபுரீசர் திருவடிகள் போற்றி

https://www.youtube.com/watch?v=jIemSuLWelU   Add audio link

பூதத்தின் படையினீர் பூங்கொன்றைத் தாரினீர் ஒதத்தி னொலியொடு மும்பர்வா னவர்புகுந்து வேதத்தி னிசைபாடி விரைமலர்கள் சொரிந்தேத்தும் பாதத்தீர் வேணுபுரம் பதியாகக் கொண்டீரே.	1
சுடுகாடு மேவினீர் துன்னம்பெய் கோவணந்தோல் உடையாடை யதுகொண்டீ ருமையாளை யொருபாகம் அடையாள மதுகொண்டீ ரங்கையினிற் பரசுவெனும் படையாள்வீர் வேணுபுரம் பதியாகக் கொண்டீரே.	2
கங்கைசேர் சடைமுடியீர் காலனைமுன் செற்றுகந்தீர் திங்களோ டிளவரவந் திகழ்சென்னி வைத்துகந்தீர் மங்கையோர் கூறுடையீர் மறையோர்க ணிறைந்தேத்தப் பங்கயஞ்சேர் வேணுபுரம் பதியாகக் கொண்டீரே.	3
நீர்கொண்ட சடைமுடிமே னீண்மதியம் பாம்பினொடும் ஏர்கொண்ட கொன்றையினோ டெழின்மத்த மிலங்கவே சீர்கொண்ட மாளிகைமேற் சேயிழையார் வாழ்த்துரைப்பக் கார்கொண்ட வேணுபுரம் பதியாகக் கலந்தீரே.	4
ஆலைசேர் தண்கழனி யழகாக நறவுண்டு சோலைசேர் வண்டினங்க ளிசைபாடத் தூமொழியார் காலையே புகுந்திறைஞ்சிக் கைதொழமெய் மாதினொடும் பாலையாழ் வேணுபுரம் பதியாகக் கொண்டீரே.	5
Go to top
மணிமல்கு மால்வரைமேன் மாதினொடு மகிழ்ந்திருந்தீர் துணிமல்கு கோவணத்தீர் சுடுகாட்டி லாட்டுகந்தீர் பணிமல்கு மறையோர்கள் பரிந்திறைஞ்ச வேணுபுரத் தணிமல்கு கோயிலே கோயிலாக வமர்ந்தீரே.	6
நீலஞ்சேர் மிடற்றினீர் நீண்டசெஞ் சடையினீர் கோலஞ்சேர் விடையினீர் கொடுங்காலன் றனைச்செற்றீர் ஆலஞ்சேர் கழனி யழகார்வேணு புரமமருங் கோலஞ்சேர் கோயிலே கோயிலாக்கொண்டீரே.	7
இரைமண்டிச் சங்கேறுங் கடல்சூழ்தென் னிலங்கையர்கோன் விரைமண்டு முடிநெரிய விரல்வைத்தீர் வரைதன்னிற் கரைமண்டிப் பேரோதங் கலந்தெற்றுங் கடற்கவினார் விரைமண்டு வேணுபுர மேயமர்ந்து மிக்கீரே.	8
தீயோம்பு மறைவாணர்க் காதியாந் திசைமுகன்மால் போயோங்கி யிழிந்தாரும் போற்றரிய திருவடியீர் பாயோங்கு மரக்கலங்கள் படுதிரையான் மொத்துண்டு சேயோங்கு வேணுபுரஞ் செழும்பதியாத் திகழ்ந்தீரே.	9
நிலையார்ந்த வுண்டியினர் நெடுங்குண்டர் சாக்கியர்கள் புலையானா ரறவுரையைப் போற்றாதுன் பொன்னடியே நிலையாகப் பேணீநீ சரணென்றார் தமையென்றும் விலையாக வாட்கொண்டு வேணுபுரம் விரும்பினையே.	10
Go to top

Thevaaram Link  - Shaivam Link
Other song(s) from this location: திருவேணுபுரம் (சீர்காழி)

1.009   திருஞானசம்பந்த சுவாமிகள்   திருக்கடைக்காப்பு   வண்டு ஆர் குழல் அரிவையொடு Tune - நட்டபாடை   (திருவேணுபுரம் (சீர்காழி) பிரமபுரீசர் திருநிலைநாயகி)

2.017   திருஞானசம்பந்த சுவாமிகள்   திருக்கடைக்காப்பு   நிலவும், புனலும், நிறை வாள் Tune - இந்தளம்   (திருவேணுபுரம் (சீர்காழி) பிரமபுரீசர் திருநிலைநாயகி)

2.081   திருஞானசம்பந்த சுவாமிகள்   திருக்கடைக்காப்பு   பூதத்தின் படையினீர்! பூங்கொன்றைத் தாரினீர்! ஓதத்தின் Tune - காந்தாரம்   (திருவேணுபுரம் (சீர்காழி) பிரமபுரீசர் திருநிலைநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.081