This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.013   திருஞானசம்பந்த சுவாமிகள்   திருக்கடைக்காப்பு திருப்பூந்தராய் - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=j9OJ3G30aTE   Add audio link

மின்னன வெயிறுடை விரவ லோர்கள்தந் துன்னிய புரமுகச் சுளிந்த தொன்மையர் புன்னையம் பொழிலணி பூந்த ராய்நகர் அன்னமன் னந்நடை யரிவை பங்கரே.	1
மூதணி முப்புரத் தெண்ணி லோர்களை வேதணி சரத்தினால் வீட்டி னாரவர் போதணி பொழிலமர் பூந்த ராய்நகர்த் தாதணி குழலுமை தலைவர் காண்மினே.	2
தருக்கிய திரிபுரத் தவர்கள் தாம்உகப் பெருக்கிய சிலைதனைப் பிடித்த பெற்றியர் பொருக்கடல் புடைதரு பூந்த ராய்நகர்க் கருக்கிய குழலுமை கணவர் காண்மினே.	3
நாகமும் வரையுமே நாணும் வில்லுமா மாகமார் புரங்களை மறித்த மாண்பினர் பூகமார் பொழிலணி பூந்த ராய்நகர்ப் பாகமர் மொழியுமை பங்கர் காண்மினே.	4
வெள்ளெயி றுடையவவ் விரவ லார்களூர் ஒள்ளெரி யூட்டிய வொருவ னாரொளிர் புள்ளணி புறவினிற் பூந்த ராய்நகர்க் கள்ளணி குழலுமை கணவர் காண்மினே.	5
Go to top
துங்கிய றானவர் தோற்ற மாநகர் அங்கியில் வீழ்தர வாய்ந்த வம்பினர் பொங்கிய கடலணி பூந்த ராய்நகர் அங்கய லனகணி யரிவை பங்கரே.	6
அண்டர்க ளுய்ந்திட வவுணர் மாய்தரக் கண்டவர் கடல்விட முண்ட கண்டனார் புண்டரீ கவ்வயற் பூந்த ராய்நகர் வண்டமர் குழலிதன் மணாளர் காண்மினே	7
மாசின வரக்கனை வரையின் வாட்டிய காய்சின வெயில்களைக் கறுத்த கண்டனார் பூசுரர் பொலிதரு பூந்த ராய்நகர்க் காசைசெய் குழலுமை கணவர் காண்மினே.	8
தாமுக மாக்கிய வசுரர் தம்பதி வேமுக மாக்கிய விகிர்தர் கண்ணனும் பூமக னறிகிலாப் பூந்த ராய்நகர்க் கோமக னெழில்பெறு மரிவை கூறரே.	9
முத்தர வசுரர்கண் மொய்த்த முப்புரம் அத்தகு மழலிடை வீட்டி னாரமண் புத்தரு மறிவொணாப் பூந்த ராய்நகர்க் கொத்தணி குழலுமை கூறர் காண்மினே.	10
Go to top
புரமெரி செய்தவர் பூந்த ராய்நகர்ப் பரமலி குழலுமை நங்கை பங்கரைப் பரவிய பந்தன்மெய்ப் பாடல் வல்லவர் சிரமலி சிவகதி சேர்தல் திண்ணமே.	11

Thevaaram Link  - Shaivam Link
Other song(s) from this location: திருப்பூந்தராய்

2.001   திருஞானசம்பந்த சுவாமிகள்   திருக்கடைக்காப்பு   செந்நெல் அம் கழனிப் பழனத்து Tune - இந்தளம்   (திருப்பூந்தராய் )

3.002   திருஞானசம்பந்த சுவாமிகள்   திருக்கடைக்காப்பு   பந்து சேர் விரலாள், பவளத்துவர் Tune - காந்தாரபஞ்சமம்   (திருப்பூந்தராய் )

3.005   திருஞானசம்பந்த சுவாமிகள்   திருக்கடைக்காப்பு   தக்கன் வேள்வி தகர்த்தவன், பூந்தராய மிக்க Tune - காந்தாரபஞ்சமம்   (திருப்பூந்தராய் )

3.013   திருஞானசம்பந்த சுவாமிகள்   திருக்கடைக்காப்பு   மின் அன எயிறு உடை Tune - காந்தாரபஞ்சமம்   (திருப்பூந்தராய் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.013