This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.017   திருஞானசம்பந்த சுவாமிகள்   திருக்கடைக்காப்பு திருவிசயமங்கை - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு மங்கைநாயகியம்மை உடனுறை அருள்மிகு விசயநாதேசுவரர் திருவடிகள் போற்றி

https://www.youtube.com/watch?v=3LSqE8ICBuo   Add audio link

மருவமர் குழலுமை பங்கர் வார்சடை அரவமர் கொள்கையெம் அடிகள் கோயிலாம் குரவமர் சுரபுன்னை கோங்கு வேங்கைகள் விரவிய பொழிலணி விசய மங்கையே.	1
கீதமுன் னிசைதரக் கிளரும் வீணையர் பூதமுன் னியல்புடைப் புனிதர் பொன்னகர் கோதனம் வழிபடக் குலவு நான்மறை வேதியர் தொழுதெழு விசய மங்கையே.	2
அக்கர வரையினர் அரிவை பாகமாத் தொக்கநல் விடையுடைச் சோதி தொன்னகர் தக்கநல் வானவர் தலைவர் நாள்தொறும் மிக்கவர் தொழுதெழு விசய மங்கையே.	3
தொடைமலி யிதழியுந் துன்னெ ருக்கொடு புடைமலி சடைமுடி யடிகள் பொன்னகர் படைமலி மழுவினர் பைங்கண் மூரிவெள் விடைமலி கொடியணல் விசய மங்கையே.	4
தோடமர் காதினன் துதைந்த நீற்றினன் ஏடமர் கோதையோ டினித மர்விடம் காடமர் மாகரி கதறப் போர்த்ததோர் வேடம துடையணல் விசய மங்கையே.	5
Go to top
மைப்புரை கண்ணுமை பங்கன் வண்டழல் ஒப்புரை மேனியெம் முடைய வன்னகர் அப்பொடு மலர்கொடங் கிறைஞ்சி வானவர் மெய்ப்பட வருள்புரி விசய மங்கையே.	6
இரும்பொனின் மலைவில்லின் எரிச ரத்தினால் வரும்புரங் களைப்பொடி செய்த மைந்தனூர் சுரும்பமர் கொன்றையும் தூய மத்தமும் விரும்பிய சடையணல் விசய மங்கையே.	7
உளங்கைய இருபதோ டொருபதுங் கொடாங் களந்தரும் வரையெடுத் திடும்அ ரக்கனைத் தளர்ந்துட னெரிதர வடர்த்த தன்மையன் விளங்கிழை யொடும்புகும் விசய மங்கையே.	8
மண்ணினை யுண்டவன் மலரின் மேலுறை அண்ணல்கள் தமக்களப் பரிய அத்தனூர் தண்ணறுஞ் சாந்தமும் பூவு நீர்கொடு விண்ணவர் தொழுதெழு விசய மங்கையே.	9
கஞ்சியுங் கவளமுண் கவணர் கட்டுரை நஞ்சினுங் கொடியன நமர்கள் தேர்கிலார் செஞ்சடை முடியுடைத் தேவன் நன்னகர் விஞ்சையர் தொழுதெழு விசய மங்கையே.	10
Go to top
விண்ணவர் தொழுதெழு விசய மங்கையை நண்ணிய புகலியுள் ஞானசம் பந்தன் பண்ணிய செந்தமிழ் பத்தும் வல்லவர் புண்ணியர் சிவகதி புகுதல் திண்ணமே.	11

Thevaaram Link  - Shaivam Link
Other song(s) from this location: திருவிசயமங்கை

3.017   திருஞானசம்பந்த சுவாமிகள்   திருக்கடைக்காப்பு   மரு அமர் குழல் உமை Tune - காந்தாரபஞ்சமம்   (திருவிசயமங்கை விசயநாதேசுவரர் மங்கைநாயகியம்மை)

5.071   திருநாவுக்கரசர்   தேவாரம்   குசையும் அங்கையில் கோசமும் கொண்ட Tune - திருக்குறுந்தொகை   (திருவிசயமங்கை விசயநாதேசுவரர் மங்கைநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.017