This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.031   திருஞானசம்பந்த சுவாமிகள்   திருக்கடைக்காப்பு திருமயேந்திரப்பள்ளி - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு வடிவாம்பிகையம்மை உடனுறை அருள்மிகு திருமேனியழகர் திருவடிகள் போற்றி

https://www.youtube.com/watch?v=1iE23OOVx2g   Add audio link

திரைதரு பவளமும் சீர்திகழ் வயிரமும் கரைதரு மகிலொடு கனவளை புகுதரும் வரைவிலா லெயிலெய்த மயேந்திரப் பள்ளியுள் அரவரை யழகனை யடியிணை பணிமினே.	1
கொண்டல்சேர் கோபுரங் கோலமார் மாளிகை கண்டலுங் கைதையுங் கமலமார் வாவியும் வண்டுலாம் பொழிலணி மயேந்திரப் பள்ளியிற் செண்டுசேர் விடையினான் றிருந்தடி பணிமினே.	2
கோங்கிள வேங்கையும் கொழுமலர்ப் புன்னையும் தாங்குதேன் கொன்றையும் தகுமலர்க் குரவமு மாங்கரும் பும்வயன் மயேந்திரப் பள்ளியுள் ஆங்கிருந் தவன்கழ லடியிணை பணிமினே.	3
வங்கமார் சேணுயர் வருகுறி யான்மிகு சங்கமா ரொலியகில் தருபுகை கமழ்தரு மங்கையோர் பங்கினன் மயேந்திரப் பள்ளியுள் எங்கணா யகன்றன திணையடி பணிமினே.	4
நித்திலத் தொகைபல நிரைதரு மலரெனச் சித்திரப் புணரிசேர்த் திடத்திகழ்ந் திருந்தவன் மைத்திகழ் கண்டனன் மயேந்திரப் பள்ளியுட் கைத்தல மழுவனைக் கண்டடி பணிமினே.	5
Go to top
சந்திரன் கதிரவன் றகுபுக ழயனொடும் இந்திரன் வழிபட விருந்தவெம் மிறையவன் மந்திர மறைவளர் மயேந்திரப் பள்ளியுள் அந்தமி லழகனை யடிபணிந் துய்ம்மினே.	6
சடைமுடி முனிவர்கள் சமைவொடும் வழிபட நடநவில் புரிவின னறவணி மலரொடு படர்சடை மதியினன் மயேந்திரப் பள்ளியுள் அடல்விடை யுடையவ னடிபணிந் துய்ம்மினே.	7
சிரமொரு பதுமுடைச் செருவலி யரக்கனைக் கரமிரு பதுமிறக் கனவரை யடர்த்தவன் மரவமர் பூம்பொழின் மயேந்திரப் பள்ளியுள் அரவமர் சடையனை யடிபணிந் துய்ம்மினே.	8
நாகணைத் துயில்பவ னலமிகு மலரவன் ஆகணைந் தவர்கழ லணையவும் பெறுகிலர் மாகணைந் தலர்பொழின் மயேந்திரப் பள்ளியுள் யோகணைந் தவன்கழல் உணர்ந்திருந் துய்ம்மினே.	9
உடைதுறந் தவர்களு முடைதுவ ருடையரும் படுபழி யுடையவர் பகர்வன விடுமினீர் மடைவளர் வயலணி மயேந்திரப் பள்ளியுள் இடமுடை யீசனை யிணையடி பணிமினே.	10
Go to top
வம்புலாம் பொழிலணி மயேந்திரப் பள்ளியுள் நம்பனார் கழலடி ஞானசம் பந்தன்சொல் நம்பர மிதுவென நாவினா னவில்பவர் உம்பரா ரெதிர்கொள வுயர்பதி யணைவரே.	11

Thevaaram Link  - Shaivam Link
Other song(s) from this location: திருமயேந்திரப்பள்ளி

3.031   திருஞானசம்பந்த சுவாமிகள்   திருக்கடைக்காப்பு   திரை தரு பவளமும், சீர் Tune - கொல்லி   (திருமயேந்திரப்பள்ளி திருமேனியழகர் வடிவாம்பிகையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.031