This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.059   திருஞானசம்பந்த சுவாமிகள்   திருக்கடைக்காப்பு திருகுடமூக்கு (கும்பகோணம்) - பஞ்சமம் ஹனுமத்தோடி ஆபோகி ஆகிரி ராகத்தில் திருமுறை அருள்தரு மங்களநாயகியம்மை உடனுறை அருள்மிகு கும்பேசுவரர் திருவடிகள் போற்றி

https://www.youtube.com/watch?v=pM-KCxf4Vn0   Add audio link

அரவிரி கோடனீட லணி காவிரி யாற்றயலே மரவிரி போதுமௌவன் மண மல்லிகை கள்ளவிழும் குரவிரி சோலைசூழ்ந்த குழ கன்குட மூக்கிடமா இரவிரி திங்கள்சூடி யிருந் தானவ னெம்மிறையே.	1
ஓத்தர வங்களோடு மொலி காவிரி யார்த்தயலே பூத்தர வங்களோடும் புகை கொண்டடி போற்றிநல்ல கூத்தர வங்களோவாக் குழ கன்குட மூக்கிடமா ஏத்தர வங்கள்செய்ய விருந் தானவ னெம்மிறையே.	2
மயில்பெடை புல்கியால மணன் மேன்மட வன்னமல்கும் பயில்பெடை வண்டுபண்செய் பழங் காவிரிப்பைம் பொழில்வாய்க் குயில்பெடை யோடுபாட லுடை யான்குட மூக்கிடமா இயலொடு வானமேத்த விருந் தானவ னெம்மிறையே.	3
மிக்கரை தாழவேங்கை யுரி யார்த்துமை யாள்வெருவ அக்கர வாமையேன மருப் போடவை பூண்டழகார் கொக்கரை யோடுபாட லுடை யான்குட மூக்கிடமா எக்கரை யாருமேத்த விருந் தானவ னெம்மிறையே.	4
வடிவுடை வாட்டடங்கண் ணுமை யஞ்சவோர் வாரணத்தைப் பொடியணி மேனிமூட வுரி கொண்டவன் புன்சடையான் கொடிநெடு மாடமோங்குங் குழ கன்குட மூக்கிடமா இடிபடு வானமேத்த விருந் தானவ னெம்மிறையே.	5
Go to top
கழைவளர் கவ்வைமுத்தங் கமழ் காவிரி யாற்றயலே தழைவளர் மாவினல்ல பல வின்கனி கள்தங்கும் குழைவளர் சோலைசூழ்ந்த குழ கன்குட மூக்கிடமா இழைவளர் மங்கையோடு மிருந் தானவ னெம்மிறையே.	6
மலைமலி மங்கைபாகம் மகிழ்ந் தானெழில் வையமுய்யச் சிலைமலி வெங்கணையாற் சிதைத் தான்புர மூன்றினையும் குலைமலி தண்பலவின் பழம் வீழ்குட மூக்கிடமா இலைமலி சூலமேந்தி யிருந் தானவ னெம்மிறையே.	7
நெடுமுடி பத்துடைய நிகழ் வாளரக் கன்னுடலைப் படுமிடர் கண்டயரப் பரு மால்வரைக் கீழடர்த்தான் கொடுமட றங்குதெங்கு பழம் வீழ்குட மூக்கிடமா இடுமண லெக்கர்சூழ விருந் தானவ னெம்மிறையே.	8
ஆரெரி யாழியானு மல ரானும ளப்பரிய நீரிரி புன்சடைமே னிரம் பாமதி சூடிநல்ல கூரெரி யாகிநீண்ட குழ கன்குட மூக்கிடமா ஈருரி கோவணத்தோ டிருந் தானவ னெம்மிறையே.	9
மூடிய சீவரத்தார் முது மட்டையர் மோட்டமணர் நாடிய தேவரெல்லா நயந் தேத்திய நன்னலத்தான் கூடிய குன்றமெல்லா முடை யான்குட மூக்கிடமா ஏடலர் கொன்றைசூடி யிருந்தானவ னெம்மிறையே.	10
Go to top
வெண்கொடி மாடமோங்கு விறல் வெங்குரு நன்னகரான் நண்பொடு நின்றசீரான் றமிழ்ஞானசம் பந்தனல்ல தண்குட மூக்கமர்ந்தா னடிசேர்தமிழ் பத்தும்வல்லார் விண்புடை மேலுலகம் வியப்பெய்துவர் வீடெளிதே.	11

Thevaaram Link  - Shaivam Link
Other song(s) from this location: திருகுடமூக்கு (கும்பகோணம்)

3.059   திருஞானசம்பந்த சுவாமிகள்   திருக்கடைக்காப்பு   அர விரி கோடல் நீடல் Tune - பஞ்சமம்   (திருகுடமூக்கு (கும்பகோணம்) கும்பேசுவரர் மங்களநாயகியம்மை)

5.022   திருநாவுக்கரசர்   தேவாரம்   பூ வணத்தவன்; புண்ணியன்; நண்ணி Tune - திருக்குறுந்தொகை   (திருகுடமூக்கு (கும்பகோணம்) கும்பேசுவரர் மங்களநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.059