This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.086   திருஞானசம்பந்த சுவாமிகள்   திருக்கடைக்காப்பு திருச்சேறை (உடையார்கோவில்) - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு ஞானவல்லியம்மை உடனுறை அருள்மிகு சென்னெறியப்பர் திருவடிகள் போற்றி

https://www.youtube.com/watch?v=bRjVXotc8Bc   Add audio link

முறியுறு நிறமல்கு முகிழ்முலை மலைமகள் வெருவமுன் வெறியுறு மதகரி யதள்பட வுரிசெய்த விறலினர் நறியுறு மிதழியின் மலரொடு நதிமதி நகுதலை செறியுறு சடைமுடி யடிகடம் வளநகர் சேறையே.	1
புனமுடை நறுமலர் பலகொடு தொழுவதொர் புரிவினர் மனமுடை யடியவர் படுதுயர் களைவதொர் வாய்மையர் இனமுடை மணியினொ டரசிலை யொளிபெற மிளிர்வதோர் சினமுதிர் விடையுடை யடிகடம் வளநகர் சேறையே.	2
புரிதரு சடையினர் புலியத ளரையினர் பொடிபுல்கும் எரிதரு முருவின ரிடபம தேறுவ ரீடுலா வரிதரு வளையின ரவரவர் மகிழ்தர மனைதொறும் திரிதரு சரிதைய ருறைதரு வளநகர் சேறையே.	3
துடிபடு மிடையுடை மடவர லுடனொரு பாகமா இடிபடு குரலுடை விடையினர் படமுடை யரவினர் பொடிபடு முருவினர் புலியுரி பொலிதரு மரையினர் செடிபடு சடைமுடி யடிகடம் வளநகர் சேறையே.	4
அந்தர முழிதரு திரிபுர மொருநொடி யளவினில் மந்தர வரிசிலை யதனிடை யரவரி வாளியால் வெந்தழி தரவெய்த விடலையர் விடமணி மிடறினர் செந்தழ னிறமுடை யடிகடம் வளநகர் சேறையே.	5
Go to top
மத்தர முறுதிறன் மறவர்தம் வடிவுகொ டுருவுடைப் பத்தொரு பெயருடை விசயனை யசைவுசெய் பரிசினால் அத்திர மருளுந மடிகள தணிகிளர் மணியணி சித்திர வளநகர் செறிபொழி றழுவிய சேறையே.	6
பாடின ரருமறை முறைமுறை பொருளென வருநடம் ஆடின ருலகிடை யலர்கொடு மடியவர் துதிசெய வாடினர் படுதலை யிடுபலி யதுகொடு மகிழ்தரும் சேடர்தம் வளநகர் செறிபொழி றழுவிய சேறையே.	7
கட்டுர மதுகொடு கயிலைநன் மலைமலி கரமுடை நிட்டுர னுடலொடு நெடுமுடி யொருபது நெரிசெய்தார் மட்டுர மலரடி யடியவர் தொழுதெழ வருள்செயும் சிட்டர்தம் வளநகர் செறிபொழி றழுவிய சேறையே.	8
பன்றியர் பறவையர் பரிசுடை வடிவொடு படர்தர அன்றிய வவரவ ரடியொடு முடியவை யறிகிலார் நின்றிரு புடைபட நெடுவெரி நடுவெயொர் நிகழ்தரச் சென்றுயர் வெளிபட வருளிய வவர்நகர் சேறையே.	9
துகடுறு விரிதுகி லுடையவ ரமணெனும் வடிவினர் விகடம துறுசிறு மொழியவை நலமில வினவிடல் முகிடரு மிளமதி யரவொடு மழகுற முதுநதி திகடரு சடைமுடி யடிகடம் வளநகர் சேறையே.	10
Go to top
கற்றநன் மறைபயி லடியவ ரடிதொழு கவினுறு சிற்றிடை யவளொடு மிடமென வுறைவதொர் சேறைமேல் குற்றமில் புகலியு ளிகலறு ஞானசம் பந்தன சொற்றக வுறமொழி பவரழி விலர்துயர் தீருமே	11

Thevaaram Link  - Shaivam Link
Other song(s) from this location: திருச்சேறை (உடையார்கோவில்)

3.086   திருஞானசம்பந்த சுவாமிகள்   திருக்கடைக்காப்பு   முறி உறு நிறம் மல்கு Tune - சாதாரி   (திருச்சேறை (உடையார்கோவில்) சென்னெறியப்பர் ஞானவல்லியம்மை)

4.073   திருநாவுக்கரசர்   தேவாரம்   பெருந் திரு இமவான் பெற்ற Tune - திருநேரிசை   (திருச்சேறை (உடையார்கோவில்) சென்னெறியப்பர் ஞானவல்லியம்மை)

5.077   திருநாவுக்கரசர்   தேவாரம்   பூரியா வரும், புண்ணியம்; பொய் Tune - திருக்குறுந்தொகை   (திருச்சேறை (உடையார்கோவில்) சென்னெறியப்பர் ஞானவல்லியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.086