This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.031   திருநாவுக்கரசர்   தேவாரம் திருக்கடவூர் வீரட்டம் - சாளரபாணி அருள்தரு அபிராமியம்மை உடனுறை அருள்மிகு அமிர்தகடேசுவரர் திருவடிகள் போற்றி

https://www.youtube.com/watch?v=9UeX47SUCUY  https://www.youtube.com/watch?v=mAbV4GbLfL8   Add audio link

பொள்ளத்த காய மாயப் பொருளினைப் போக மாதர் வெள்ளத்தைக் கழிக்க வேண்டில் விரும்புமின் விளக்குத் தூபம் உள்ளத்த திரியொன் றேற்றி யுணருமா றுணர வல்லார் கள்ளத்தைக் கழிப்பர் போலுங் கடவூர்வீ ரட்ட னாரே.	1
மண்ணிடைக் குரம்பை தன்னை மதித்துநீர் மைய லெய்தில் விண்ணிடைத் தரும ராசன் வேண்டினால் விலக்கு வாரார் பண்ணிடைச் சுவைகள் பாடி யாடிடும் பத்தர்க் கென்றும் கண்ணிடை மணியர் போலுங் கடவூர்வீ ரட்ட னாரே.	2
பொருத்திய குரம்பை தன்னுட் பொய்ந்நடை செலுத்து கின்றீர் ஒருத்தனை யுணர மாட்டீ ருள்ளத்திற் கொடுமை நீக்கீர் வருத்தின களிறு தன்னை வருத்துமா வருத்த வல்லார் கருத்தினி லிருப்பர் போலுங் கடவூர்வீ ரட்ட னாரே.	3
பெரும்புலர் காலை மூழ்கிப் பித்தர்க்குப் பத்த ராகி அரும்பொடு மலர்கள் கொண்டாங் கார்வத்தை யுள்ளே வைத்து விரும்பிநல் விளக்குத் தூபம் விதியினா லிடவல் லார்க்குக் கரும்பினிற் கட்டி போல்வார் கடவூர்வீ ரட்ட னாரே.	4
தலக்கமே செய்து வாழ்ந்து தக்கவா றொன்று மின்றி விலக்குவா ரிலாமை யாலே விளக்கத்திற் கோழி போன்றேன் மலக்குவார் மனத்தி னுள்ளே காலனார் தமர்கள் வந்து கலக்கநான் கலங்கு கின்றேன் கடவூர்வீ ரட்ட னீரே.	5
Go to top
பழியுடை யாக்கை தன்னிற் பாழுக்கே நீரி றைத்து வழியிடை வாழ மாட்டேன் மாயமுந் தெளிய கில்லேன் அழிவுடைத் தாய வாழ்க்கை யைவரா லலைக்கப் பட்டுக் கழியிடைத் தோணி போன்றேன் கடவூர்வீ ரட்ட னீரே.	6
மாயத்தை யறிய மாட்டேன் மையல்கொண் மனத்த னாகிப் பேயொத்துக் கூகை யானேன் பிஞ்ஞகா பிறப்பொன் றில்லீ நேயத்தா னினைய மாட்டே னீதனேன் நீசனே னான் காயத்தைக் கழிக்க மாட்டேன் கடவூர்வீ ரட்ட னீரே.	7
பற்றிலா வாழ்க்கை வாழ்ந்து பாழுக்கே நீரி றைத்தேன் உற்றலாற் கயவர் தேறா ரென்னுங்கட் டுரையோ டொத்தேன் எற்றுளே னென்செய்கேனா னிடும்பையால் ஞானமேதும் கற்றிலேன் களைகண்காணேன் கடவூர்வீ ரட்டனீரே.	8
சேலினே ரனையகண்ணார் திறம்விட்டுச் சிவனுக்கன்பாய்ப் பாலுநற் றயிர்நெய்யோடு பலபல வாட்டியென்றும் மாலினைத் தவிர நின்ற மார்க்கண்டற் காக வன்று காலனை யுதைப்பர் போலுங் கடவூர்வீ ரட்ட னாரே.	9
முந்துரு விருவ ரோடு மூவரு மாயி னாரும் இந்திர னோடு தேவ ரிருடிக ளின்பஞ் செய்ய வந்திரு பதுக டோளா லெடுத்தவன் வலியை வாட்டிக் கந்திரு வங்கள் கேட்டார் கடவூர்வீ ரட்ட னாரே.	10
Go to top

Thevaaram Link  - Shaivam Link
Other song(s) from this location: திருக்கடவூர் வீரட்டம்

3.008   திருஞானசம்பந்த சுவாமிகள்   திருக்கடைக்காப்பு   சடை உடையானும், நெய் ஆடலானும், Tune - காந்தாரபஞ்சமம்   (திருக்கடவூர் வீரட்டம் அமிர்தகடேசுவரர் அபிராமியம்மை)

4.031   திருநாவுக்கரசர்   தேவாரம்   பொள்ளத்த காயம் ஆய பொருளினை, Tune - சாளரபாணி   (திருக்கடவூர் வீரட்டம் அமிர்தகடேசுவரர் அபிராமியம்மை)

4.107   திருநாவுக்கரசர்   தேவாரம்   மருள்-துயர் தீர அன்று அர்ச்சித்த Tune - திருவிருத்தம்   (திருக்கடவூர் வீரட்டம் பால்வண்ணநாதர் வேதநாயகியம்மை)

5.037   திருநாவுக்கரசர்   தேவாரம்   மலைக் கொள் ஆனை மயக்கிய Tune - திருக்குறுந்தொகை   (திருக்கடவூர் வீரட்டம் பிரமபுரீசுவரர் மலர்க்குழல்மின்னம்மை)

7.028   சுந்தரமூர்த்தி சுவாமிகள்   திருப்பாட்டு   பொடி ஆர் மேனியனே! புரி Tune - நட்டராகம்   (திருக்கடவூர் வீரட்டம் அமிர்தகடேசுவரர் அபிராமியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.031