This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.060   திருநாவுக்கரசர்   தேவாரம் திருப்பெருவேளூர் (காட்டூரையன்பேட்டை) - திருநேரிசை அருள்தரு மின்னனையாளம்மை உடனுறை அருள்மிகு பிரியாதநாதர் திருவடிகள் போற்றி

https://www.youtube.com/watch?v=pyNG2Du5jDU   Add audio link

மறையணி நாவி னானை மறப்பிலார் மனத்து ளானைக் கறையணி கண்டன் றன்னைக் கனலெரி யாடி னானைப் பிறையணி சடையி னானைப் பெருவேளூர் பேணி னானை நறையணி மலர்கள் தூவி நாடொறும் வணங்கு வேனே.	1
நாதனா யுலக மெல்லா நம்பிரா னெனவு நின்ற பாதனாம் பரம யோகி பலபல திறத்தி னாலும் பேதனாய்த் தோன்றி னானைப் பெருவேளூர் பேணி னானை ஓதநா வுடைய னாகி யுரைக்குமா றுரைக்குற் றேனே.	2
குறவிதோண் மணந்த செல்வக் குமரவே டாதை யென்றும் நறவிள நறுமென் கூந்த னங்கையோர் பாகத் தானைப் பிறவியை மாற்று வானைப் பெருவேளூர் பேணி னானை உறவினால் வல்ல னாகி யுணருமா றுணர்த்து வேனே.	3
மைஞ்ஞவில் கண்டன் றன்னை வலங்கையின் மழுவொன் றேந்திக் கைஞ்ஞவின் மானி னோடுங் கனலெரி யாடி னானைப் பிஞ்ஞகன் றன்னை யந்தண் பெருவேளூர் பேணி னானைப் பொய்ஞ்ஞெக நினைய மாட்டாப் பொறியிலா வறிவி லேனே.	4
ஓடைசேர் நெற்றி யானை யுரிவையை மூடி னானை வீடதே காட்டு வானை வேதநான் காயி னானைப் பேடைசேர் புறவ நீங்காப் பெருவேளூர் பேணி னானைக் கூடநான் வல்ல மாற்றங் குறுகுமா றறிகி லேனே.	5
Go to top
கச்சைசேர் நாகத் தானைக் கடல்விடங் கண்டத் தானைக் கச்சியே கம்பன் றன்னைக் கனலெரி யாடு வானைப் பிச்சைசேர்ந் துழல்வி னானைப் பெருவேளூர் பேணி னானை இச்சைசேர்ந் தமர நானு மிறைஞ்சுமா றிறைஞ்சு வேனே.	6
சித்தராய் வந்து தன்னைத் திருவடி வணங்கு வார்கள் முத்தனை மூர்த்தி யாய முதல்வனை முழுது மாய பித்தனைப் பிறரு மேத்தப் பெருவேளூர் பேணி னானை மெத்தநே யவனை நாளும் விரும்புமா றறிகி லேனே.	7
முண்டமே தாங்கி னானை முற்றிய ஞானத் தானை வண்டுலாங் கொன்றை மாலை வளர்மதிக் கண்ணி யானைப் பிண்டமே யாயி னானைப் பெருவேளூர் பேணி னானை அண்டமா மாதி யானை யறியுமா றறிகி லேனே.	8
விரிவிலா வறிவி னார்கள் வேறொரு சமயஞ் செய்து எரிவினாற் சொன்னா ரேனு மெம்பிராற் கேற்ற தாகும் பரிவினாற் பெரியோ ரேத்தும் பெருவேளூர் பற்றி னானை மருவிநான் வாழ்த்தி யுய்யும் வகையது நினைக்கின் றேனே.	9
பொருகட லிலங்கை மன்ன னுடல்கெடப் பொருத்தி நல்ல கருகிய கண்டத் தானைக் கதிரிளங் கொழுந்து சூடும் பெருகிய சடையி னானைப் பெருவேளூர் பேணி னானை உருகிய வடிய ரேத்து முள்ளத்தா லுள்கு வேனே.	10
Go to top

Thevaaram Link  - Shaivam Link
Other song(s) from this location: திருப்பெருவேளூர் (காட்டூரையன்பேட்டை)

3.064   திருஞானசம்பந்த சுவாமிகள்   திருக்கடைக்காப்பு   அண்ணாவும் கழுக்குன்றும் ஆய மலை Tune - பஞ்சமம்   (திருப்பெருவேளூர் (காட்டூரையன்பேட்டை) பிரியாவீசுவரர் மின்னனையாளம்மை)

4.060   திருநாவுக்கரசர்   தேவாரம்   மறை அணி நாவினானை, மறப்பு Tune - திருநேரிசை   (திருப்பெருவேளூர் (காட்டூரையன்பேட்டை) பிரியாதநாதர் மின்னனையாளம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.060