This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.072   திருநாவுக்கரசர்   தேவாரம் திருஇன்னம்பர் - திருநேரிசை அருள்தரு கொந்தார்பூங்குழலம்மை உடனுறை அருள்மிகு எழுத்தறிந்தவீசுவரர் திருவடிகள் போற்றி

https://www.youtube.com/watch?v=3Wr2qcFBuPM  https://www.youtube.com/watch?v=ad3xSv41u9E   Add audio link

விண்ணவர் மகுட கோடி மிடைந்தசே வடியர் போலும் பெண்ணொரு பாகர் போலும் பேடலி யாணர் போலும் வண்ணமா லயனுங் காணா மால்வரை யெரியர் போலும் எண்ணுரு வநேகர் போலும் இன்னம்ப ரீச னாரே.	1
பன்னிய மறையர் போலும் பாம்பரை யுடையர் போலும் துன்னிய சடையர் போலுந் தூமதி மத்தர் போலும் மன்னிய மழுவர் போலும் மாதிட மகிழ்வர் போலும் என்னையு முடையர் போலும் இன்னம்ப ரீச னாரே.	2
மறியொரு கையர் போலும் மாதுமை யுடையர் போலும் பறிதலைப் பிறவி நீக்கிப் பணிகொள வல்லர் போலும் செறிவுடை யங்க மாலை சேர்திரு வுருவர் போலும் எறிபுனற் சடையர் போலும் இன்னம்ப ரீச னாரே.	3
விடமலி கண்டர் போலும் வேள்வியை யழிப்பர் போலும் கடவுநல் விடையர் போலுங் காலனைக் காய்வர் போலும் படமலி யரவர் போலும் பாய்புலித் தோலர் போலும் இடர்களைந் தருள்வர் போலும் இன்னம்ப ரீச னாரே.	4
அளிமலர்க் கொன்றை துன்று மவிர்சடை யுடையர் போலும் களிமயிற் சாய லோடுங் காமனை விழிப்பர் போலும் வெளிவள ருருவர் போலும் வெண்பொடி யணிவர் போலும் எளியவ ரடியர்க் கென்றும் இன்னம்ப ரீச னாரே.	5
Go to top
கணையமர் சிலையர் போலுங் கரியுரி யுடையர் போலும் துணையமர் பெண்ணர் போலுந் தூமணிக் குன்றர் போலும் அணையுடை யடியர் கூடி யன்பொடு மலர்கள் தூவும் இணையடி யுடையர் போலும் இன்னம்ப ரீச னாரே.	6
பொருப்பமர் புயத்தர் போலும் புனலணி சடையர் போலும் மருப்பிள வாமை தாங்கு மார்பில்வெண் ணூலர் போலும் உருத்திர மூர்த்தி போலும் உணர்விலார் புரங்கண் மூன்றும் எரித்திடு சிலையர் போலும் இன்னம்ப ரீச னாரே.	7
காடிட முடையர் போலுங் கடிகுரல் விளியர் போலும் வேடுரு வுடையர் போலும் வெண்மதிக் கொழுந்தர் போலும் கோடலர் வன்னி தும்பை கொக்கிற கலர்ந்த கொன்றை ஏடமர் சடையர் போலும் இன்னம்ப ரீச னாரே.	8
காறிடு விடத்தை யுண்ட கண்டரெண் டோளர் போலும் நீறுடை யுருவர் போலும் நினைப்பினை யரியர் போலும் பாறுடைத் தலைகை யேந்திப் பலிதிரிந் துண்பர் போலும் ஏறுடைக் கொடியர் போலும் இன்னம்ப ரீச னாரே.	9
ஆர்த்தெழு மிலங்கைக் கோனை யருவரை யடர்ப்பர் போலும் பார்த்தனோ டமர் பொருது படைகொடுத் தருள்வர் போலும் தீர்த்தமாங் கங்கை தன்னைத் திருச்சடை வைப்பர் போலும் ஏத்தவே ழுலகும் வைத்தார் இன்னம்ப ரீச னாரே.	10
Go to top

Thevaaram Link  - Shaivam Link
Other song(s) from this location: திருஇன்னம்பர்

3.095   திருஞானசம்பந்த சுவாமிகள்   திருக்கடைக்காப்பு   எண் திசைக்கும் புகழ் இன்னம்பர் Tune - சாதாரி   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

4.072   திருநாவுக்கரசர்   தேவாரம்   விண்ணவர் மகுடகோடி மிடைந்த சேவடியர் Tune - திருநேரிசை   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

4.100   திருநாவுக்கரசர்   தேவாரம்   மன்னும் மலைமகள் கையால் வருடின; Tune - திருவிருத்தம்   (திருஇன்னம்பர் ஏகாம்பரநாதர் காமாட்சியம்மை)

5.021   திருநாவுக்கரசர்   தேவாரம்   என்னில் ஆரும் எனக்கு இனியார் Tune - திருக்குறுந்தொகை   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

6.089   திருநாவுக்கரசர்   தேவாரம்   அல்லி மலர் நாற்றத்து உள்ளார் Tune - திருத்தாண்டகம்   (திருஇன்னம்பர் எழுத்தறிந்தவீசுவரர் கொந்தார்பூங்குழலம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.072