This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.003   திருநாவுக்கரசர்   தேவாரம் திருநெல்வாயில் அரத்துறை - திருக்குறுந்தொகை சரசாங்கி ராகத்தில் திருமுறை அருள்தரு உடனுறை அருள்மிகு திருவடிகள் போற்றி இந்நாளில் பெண்ணாகடம் என்று அழைக்கப்படும் தலம், பண்டைய நாளில் கடந்தை என்றும் அங்குள்ள கோயில் தூங்கானை மாடம் என்று அழைக்கப்பட்டது. இந்த தலத்தில் உறையும் சுடர்க்கொழுந்து நாதரைப் பணிந்த அப்பர் பிரான், தனது உடலில் இலச்சினைகள் பதித்து, சமணர்களுடன் தொடர்பு கொண்டிருந்த தனது உடலினைத் தூய்மையாக மாற்ற வேண்டும் என்று வேண்டினார். பெருமானும், அப்பர் பிரானின் வேண்டுகோளை நிறைவேற்றும் வண்ணம், மூவிலைச் சூலம் மற்றும் இடபத்தின் இலச்சினைகளை அப்பர் பிரானது தோள்களில் பொறிப்பதற்கு ஏற்பாடு செய்தார். பெருமானின் கட்டளைப் படி ஒரு பூதம், எவரும் அறியாத வண்ணம், மேற்கூறிய இரண்டு இலச்சினைகளையும், அப்பர் பிரானின் தோள்களில் பொறித்தது. இதனால் மிகவும் மனம் மகிழ்ந்த அப்பர் பிரான், சில நாட்கள் இந்த தலத்தில் திருத்தொண்டுகள் புரிந்த பின்னர், அருகிலிருக்கும் நெல்வாயில் அரத்துறை, மற்றும் முதுகுன்றம் ஆகிய தலங்களுக்கு சென்றார். கடந்த கால துயற சம்பவங்களில் இருந்து மீள

https://www.youtube.com/watch?v=zCMa42N_hJg   Add audio link

கடவு ளைக்கடலுள்ளெழு நஞ்சுண்ட உடலு ளானையொப் பாரியி லாதவெம் அடலு ளானை யரத்துறை மேவிய சுடரு ளானைக்கண் டீர்நாந் தொழுவதே.	1
கரும்பொப் பானைக் கரும்பினிற் கட்டியை விரும்பொப் பானைவிண் ணோரும் அறிகிலா அரும்பொப் பானை யரத்துறை மேவிய சுரும்பொப் பானைக்கண் டீர்நாந் தொழுவதே.	2
ஏறொப் பானையெல் லாவுயிர்க் கும்மிறை வேறொப் பானைவிண் ணோரும் அறிகிலா ஆறொப் பானை யரத்துறை மேவிய ஊறொப் பானைக்கண் டீர்நாந் தொழுவதே.	3
பரப்பொப் பானைப் பகலிருள் நன்னிலா இரப்பொப் பானை யிளமதி சூடிய அரப்பொப் பானை யரத்துறை மேவிய சுரப்பொப் பானைக்கண் டீர்நாந் தொழுவதே.	4
நெய்யொப் பானைநெய் யிற்சுடர் போல்வதோர் மெய்யொப் பானைவிண் ணோரு மறிகிலார் ஐயொப் பானை யரத்துறை மேவிய கையொப் பானைக்கண் டீர்நாந் தொழுவதே.	5
Go to top
நெதியொப் பானை நெதியிற் கிழவனை விதியொப் பானைவிண் ணோரு மறிகிலார் அதியொப் பானை யரத்துறை மேவிய கதியொப் பானைக்கண் டீர்நாந் தொழுவதே.	6
புனலொப் பானைப் பொருந்தலர் தம்மையே மினலொப் பானைவிண் ணோரு மறிகிலார் அனலொப் பானை யரத்துறை மேவிய கனலொப் பானைக்கண் டீர்நாந் தொழுவதே.	7
பொன்னொப் பானைப்பொன் னிற்சுடர் போல்வதோர் மின்னொப் பானைவிண் ணோரு மறிகிலார் அன்னொப் பானை யரத்துறை மேவிய தன்னொப் பானைக்கண் டீர்நாந் தொழுவதே.	8
காழி யானைக் கனவிடை யூருமெய் வாழி யானைவல் லோருமென் றின்னவர் ஆழி யான்பிர மற்கும ரத்துறை ஊழி யானைக்கண் டீர்நாந் தொழுவதே.	9
கலையொப் பானைக் கற்றார்க்கோ ரமுதினை மலையொப் பானை மணிமுடி யூன்றிய அலையொப் பானை யரத்துறை மேவிய நிலையொப் பானைக்கண் டீர்நாந் தொழுவதே.	10
Go to top

Thevaaram Link  - Shaivam Link
Other song(s) from this location: திருநெல்வாயில் அரத்துறை

2.090   திருஞானசம்பந்த சுவாமிகள்   திருக்கடைக்காப்பு   எந்தை! ஈசன்! எம்பெருமான்! ஏறு Tune - பியந்தைக்காந்தாரம்   (திருநெல்வாயில் அரத்துறை அரத்துறைநாதர் ஆனந்தநாயகியம்மை)

5.003   திருநாவுக்கரசர்   தேவாரம்   கடவுளை, கடலுள்(ள்) எழு நஞ்சு Tune - திருக்குறுந்தொகை   (திருநெல்வாயில் அரத்துறை )

7.003   சுந்தரமூர்த்தி சுவாமிகள்   திருப்பாட்டு   கல்வாய் அகிலும் கதிர் மா Tune - இந்தளம்   (திருநெல்வாயில் அரத்துறை அரத்துறைநாதர் ஆனந்தநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.003