This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.022   திருநாவுக்கரசர்   தேவாரம் திருகுடமூக்கு (கும்பகோணம்) - திருக்குறுந்தொகை அருள்தரு மங்களநாயகியம்மை உடனுறை அருள்மிகு கும்பேசுவரர் திருவடிகள் போற்றி

https://www.youtube.com/watch?v=RPv3ou9s8KE   Add audio link

பூவ ணத்தவன் புண்ணிய னண்ணியங் காவ ணத்துடை யானடி யார்களைத் தீவ ணத்திரு நீறுமெய் பூசியோர் கோவ ணத்துடை யான்குட மூக்கிலே.	1
பூத்தா டிக்கழி யாதேநீர் பூமியீர் தீத்தா டித்திறஞ் சிந்தையுள் வைம்மினோ வேர்த்தா டுங்காளி தன்விசை தீர்கென்று கூத்தா டிய்யுறை யுங்குட மூக்கிலே.	2
நங்கை யாளுமை யாளுறை நாதனார் அங்கை யாளொ டறுபதந் தாழ்சடைக் கங்கை யாளவள் கன்னி யெனப்படும் கொங்கை யாளுறை யுங்குட மூக்கிலே.	3
ஓதா நாவன் திறத்தை யுரைத்திரேல் ஏதா னும்மினி தாகும் மியமுனை சேதா ஏறுடை யானமர்ந் தவிடம் கோதா விரியுறை யுங்குட மூக்கிலே.	4
நக்க ரையனை நாடொறும் நன்னெஞ்சே வக்க ரையுறை வானை வணங்குநீ அக்க ரையோ டரவரை யார்த்தவன் கொக்க ரையுடை யான்குட மூக்கிலே.	5
Go to top
துறவி நெஞ்சின ராகிய தொண்டர்காள் பிறவி நீங்கப் பிதற்றுமின் பித்தராய் மறவனாய்ப் பார்த்தன் மேற்கணை தொட்டவெம் குறவ னாருறை யுங்குட மூக்கிலே.	6
தொண்ட ராகித் தொழுது பணிமினோ பண்டை வல்வினை பற்றற வேண்டுவீர் விண்ட வர்புரம் மூன்றொரு மாத்திரைக் கொண்ட வன்னுறை யுங்குட மூக்கிலே.	7
காமி யஞ்செய்து காலங் கழியாதே ஓமியஞ் செய்தங் குள்ளத் துணர்மினோ சாமி யோடு சரச்சு வதியவள் கோமி யும்முறை யுங்குட மூக்கிலே.	8
சிரமஞ் செய்து சிவனுக்குப் பத்தராய்ப் பரம னைப்பல நாளும் பயிற்றுமின் பிரமன் மாலொடு மற்றொழிந் தார்க்கெலாம் குரவ னாருறை யுங்குட மூக்கிலே.	9
அன்று தானரக் கன்கயி லாயத்தைச் சென்று தானெடுக் கவுமை யஞ்சலும் நன்று தான்நக்கு நல்விர லூன்றிப்பின் கொன்று கீதங்கேட் டான்குட மூக்கிலே.	10
Go to top

Thevaaram Link  - Shaivam Link
Other song(s) from this location: திருகுடமூக்கு (கும்பகோணம்)

3.059   திருஞானசம்பந்த சுவாமிகள்   திருக்கடைக்காப்பு   அர விரி கோடல் நீடல் Tune - பஞ்சமம்   (திருகுடமூக்கு (கும்பகோணம்) கும்பேசுவரர் மங்களநாயகியம்மை)

5.022   திருநாவுக்கரசர்   தேவாரம்   பூ வணத்தவன்; புண்ணியன்; நண்ணி Tune - திருக்குறுந்தொகை   (திருகுடமூக்கு (கும்பகோணம்) கும்பேசுவரர் மங்களநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.022