This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.031   சுந்தரமூர்த்தி சுவாமிகள்   திருப்பாட்டு திருவிடையாறு - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=BfEZ3QzwUjA   Add audio link

முந்தை யூர்முது குன்றங் குரங்கணின் முட்டம் சிந்தை யூர்நன்று சென்றடை வான்திரு வாரூர் பந்தை யூர்பழை யாறு பழனம்பைஞ் ஞீலி எந்தையூ ரெய்த மானிடை யாறிடை மருதே.	1
சுற்று மூர்சுழி யல்திருச் சோபுரந் தொண்டர் ஒற்று மூரொற்றி யூர்திரு வூற லொழியாப் பெற்ற மேறிபெண் பாதியிடம் பெண்ணைத் தெண்ணீர் எற்ற மூரெய்த மானிடை யாறிடைமருதே.	2
கடங்க ளூர்திருக் காரி கரைகயி லாயம் விடங்க ளூர்திரு வெண்ணிஅண் ணாமலை வெய்ய படங்க ளூர்கின்ற பாம்பரை யான்பரஞ் சோதி இடங்கொ ளூரெய்த மானிடை யாறிடை மருதே.	3
கச்சை யூர்கா வங்கழுக் குன்றங்கா ரோணம் பிச்சை யூர்திரி வான்கட வூர்வட பேறூர் கச்சி யூர்கச்சி சிக்கல்நெய்த் தானம் மிழலை இச்சை யூரெய்த மானிடை யாறிடைமருதே.	4
நிறைய னூர்நின்றி யூர்கொடுங் குன்ற மமர்ந்த பிறைய னூர்பெரு மூர்பெரும் பற்றப் புலியூர் மறைய னூர்மறைக் காடு வலஞ்சுழி வாய்த்த இறைய னூரெய்த மானிடை யாறிடை மருதே.	5
Go to top
திங்க ளூர்திரு வாதிரை யான்பட் டினமூர் நங்க ளூர்நறை யூர்நனி நாலிசை நாலூர் தங்க ளூர்தமி ழானென்று பாவிக்க வல்ல எங்க ளூரெய்த மானிடை யாறிடை மருதே.	6
கருக்க நஞ்சமு துண்டகல் லாலன்கொல் லேற்றன் தருக்க ருக்கனைச் செற்றுகந் தான்றன் முடிமேல் எருக்க நாண்மலர் இண்டையும் மத்தமுஞ் சூடி இருக்கு மூரெய்த மானிடை யாறிடை மருதே.	7
தேச னூர்வினை தேயநின் றான்திரு வாக்கூர் பாச னூர்பர மேட்டி பவித்திர பாவ நாச னூர்நனி பள்ளிநள் ளாற்றை யமர்ந்த ஈச னூரெய்த மானிடை யாறிடை மருதே.	8
பேற னூர்பிறைச் சென்னியி னான்பெரு வேளூர் தேற னூர்திரு மாமகள் கோன்திரு மாலோர் கூற னூர்குரங் காடு துறைதிருக் கோவல் ஏற னூரெய்த மானிடை யாறிடை மருதே.	9
ஊறு வாயினன் நாடிய வன்றொண்ட னூரன் தேறு வார்சிந்தை தேறு மிடஞ்செங்கண் வெள்ளே றேறு வாரெய்த மானிடை யாறிடை மருதைக் கூறு வார்வினை எவ்விட மெய் குளிர்வாரே.	10
Go to top

Thevaaram Link  - Shaivam Link
Other song(s) from this location: திருவிடையாறு

7.031   சுந்தரமூர்த்தி சுவாமிகள்   திருப்பாட்டு   முந்தை ஊர் முதுகுன்றம், குரங்கணில் Tune - கொல்லி   (திருவிடையாறு )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.031