This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.072   சுந்தரமூர்த்தி சுவாமிகள்   திருப்பாட்டு திருவலம்புரம் - காந்தாரம் லதாங்கி நவரோசு கனநப்ரியா ராகத்தில் திருமுறை அருள்தரு வடுவகிர்க்கண்ணம்மை உடனுறை அருள்மிகு வலம்புரநாதர் திருவடிகள் போற்றி

https://www.youtube.com/watch?v=UPQ5PIB3Qzg   Add audio link

எனக்கினித் தினைத்தனைப் புகலிட மறிந்தேன் பனைக்கனி பழம்படும் பரவையின் கரைமேல் எனக்கினி யவன்தமர்க் கினியவன் எழுமையும் மனக்கினி யவன்றன திடம்வலம் புரமே	1
புரமவை எரிதர வளைந்தவில் லினனவன் மரவுரி புலியதள் அரைமிசை மருவினன் அரவுரி நிரந்தயல் இரந்துண விரும்பிநின் றிரவெரி யாடிதன் இடம்வலம் புரமே	2
நீறணி மேனியன் நெருப்புமிழ் அரவினன் கூறணி கொடுமழு வேந்தியொர் கையினன் ஆறணி அவிர்சடை அழல்வளர் மழலைவெள் ஏறணி அடிகள்தம் இடம்வலம் புரமே	3
கொங்கணை சுரும்புண நெருங்கிய குளிரிளந் தெங்கொடு பனைபழம் படும்இடந் தேவர்கள் தங்கிடும் இடந்தடங் கடற்றிரை புடைதர எங்கள தடிகள்நல் லிடம்வலம் புரமே	4
கொடுமழு விரகினன் கொலைமலி சிலையினன் நெடுமதிள் சிறுமையின் நிரவவல் லவனிடம் படுமணி முத்தமும் பவளமும் மிகச்சுமந் திடுமணல் அடைகரை இடம்வலம் புரமே	5
Go to top
கருங்கடக் களிற்றுரிக் கடவுள திடங்கயல் நெருங்கிய நெடும்பெணை அடும்பொடு விரவிய மருங்கொடு வலம்புரி சலஞ்சலம் மணம்புணர்ந் திருங்கடல் அடைகரை இடம்வலம் புரமே	6
நரிபுரி காடரங் காநட மாடுவர் வரிபுரி பாடநின் றாடும்எம் மானிடம் புரிசுரி வரிகுழல் அரிவைஒர் பான்மகிழ்ந் தெரிஎரி யாடிதன் இடம்வலம் புரமே	7
பாறணி முடைதலை கலனென மருவிய நீறணி நிமிர்சடை முடியினன் நிலவிய மாறணி வருதிரை வயலணி பொழிலது ஏறுடை யடிகள்தம் இடம்வலம் புரமே	8
சடசட விடுபெணை பழம்படும் இடவகை படவட கத்தொடு பலிகலந் துலவிய கடைகடை பலிதிரி கபாலிதன் இடமது இடிகரை மணலடை இடம்வலம் புரமே	9
குண்டிகைப் படப்பினில் விடக்கினை யொழித்தவர் கண்டவர் கண்டடி வீழ்ந்தவர் கனைகழல் தண்டுடைத் தண்டிதன் இனமுடை அரவுடன் எண்டிசைக் கொருசுடர் இடம்வலம் புரமே	10
Go to top
வருங்கல மும்பல பேணுதல் கருங்கடல் இருங்குலப் பிறப்பர்த மிடம்வலம் புரத்தினை அருங்குலத் தருந்தமிழ் ஊரன்வன் றொண்டன்சொல் பெருங்குலத் தவரொடு பிதற்றுதல் பெருமையே	11

Thevaaram Link  - Shaivam Link
Other song(s) from this location: திருவலம்புரம்

3.103   திருஞானசம்பந்த சுவாமிகள்   திருக்கடைக்காப்பு   கொடி உடை மும்மதில் ஊடு Tune - பழம்பஞ்சுரம்   (திருவலம்புரம் வலம்புரநாதர் வடுவகிர்க்கணம்மை)

4.055   திருநாவுக்கரசர்   தேவாரம்   தெண் திரை தேங்கி ஓதம் Tune - திருநேரிசை   (திருவலம்புரம் வலம்புரநாதர் வடுவகிர்க்கண்ணம்மை)

6.058   திருநாவுக்கரசர்   தேவாரம்   மண் அளந்த மணி வண்ணர் Tune - திருத்தாண்டகம்   (திருவலம்புரம் வலம்புரநாதர் வடுவகிர்க்கணம்மை)

7.072   சுந்தரமூர்த்தி சுவாமிகள்   திருப்பாட்டு   எனக்கு இனித் தினைத்தனைப் புகல் Tune - காந்தாரம்   (திருவலம்புரம் வலம்புரநாதர் வடுவகிர்க்கண்ணம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.072