This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

162   பழநி திருப்புகழ் ( குருஜி இராகவன் # 75 - வாரியார் # 171 )
ஞானங்கொள்
முன் திருப்புகழ்   அடுத்த திருப்புகழ்

தானந்த தனன தான தானந்த தனன தான      தானந்த தனன தான ...... தனதான

ஞானங்கொள் பொறிகள் கூடி வானிந்து கதிரி லாத      நாடண்டி நமசி வாய ...... வரையேறி நாவின்ப ரசம தான ஆநந்த அருவி பாய      நாதங்க ளொடுகு லாவி ...... விளையாடி ஊனங்க ளுயிர்கள் மோக நானென்ப தறிவி லாம      லோமங்கி யுருவ மாகி ...... யிருவோரும் ஓரந்த மருவி ஞான மாவிஞ்சை முதுகி னேறி      லோகங்கள் வலம தாட ...... அருள்தாராய் தேனங்கொ ளிதழி தாகி தாரிந்து சலில வேணி      சீரங்க னெனது தாதை ...... ஒருமாது சேர்பஞ்ச வடிவி மோகி யோகங்கொள் மவுன ஜோதி      சேர்பங்கி னமல நாத ...... னருள்பாலா கானங்கள் வரைகள் தீவு ஓதங்கள் பொடிய நீல      காடந்த மயிலி லேறு ...... முருகோனே காமன்கை மலர்கள் நாண வேடம்பெ ணமளி சேர்வை      காணெங்கள் பழநி மேவு ...... பெருமாளே.

ஞானங்கொள் பொறிகள் கூடி வானிந்து கதிரிலாத நாடு அண்டி நமசி வாய வரையேறி நாவின்ப ரசமதான ஆநந்த அருவி பாய நாதங்களொடு குலாவி விளையாடி ஊனங்க ளுயிர்கள் மோக நானென்பது அறிவி லாமல் ஓம் அங்கி யுருவ மாகி இருவோரும் ஓரந்த மருவி ஞான மா விஞ்சை முதுகினேறி லோகங்கள் வலம தாட அருள்தாராய் தேனங்கொள் இதழி தாகி தார் இந்து சலில வேணி சீர் அங்கன் எனது தாதை ஒருமாது சேர்பஞ்ச வடிவி மோகி யோகங்கொள் மவுன ஜோதி சேர்பங்கின் அமல நாதன் அருள்பாலா கானங்கள் வரைகள் தீவு ஓதங்கள் பொடிய நீல காடு அந்த மயிலிலேறு முருகோனே காமன்கை மலர்கள் நாண வேடம்பெண் அமளி சேர்வைகாண் எங்கள் பழநி மேவு பெருமாளே.

ஞான இந்திரியங்கள் யாவும் ஒருமுகமாகக் கூடி, வானில் சந்திரன் சூரியன் இன்றியே ஒளி வீசும் உலகத்தை அடைந்து, நமசிவாய என்ற பஞ்சாட்சர மலையின் மீது ஏறி, நாவுக்குப் பேரின்ப இனிமையைத் தரும் ஆனந்த அருவி பாய, அந்தச் சிவயோக சமாதியில் உள்ள நாதங்களோடு கலந்து விளையாடல் புரிந்து, ஊன் பொதிந்த உடம்புடன் கூடிய உயிர்களை மயங்கச் செய்யும் தன்மையும், நான் என்ற அறிவே அற்றுப் போய், ப்ரணவ ஜோதி வடிவமாகி, ஜீவாத்மாவாகிய யானும் பரமாத்மாவாகிய நீயும் ஒரே வடிவமாகி, மெய்ஞ்ஞான வித்தையாகிய குதிரையின் முதுகில் ஏறி, உலகம் முழுதும் வலமாக பவனி வரும் பெருவாழ்வை அருள்வாயாக. தேனை உடையதும் அழகியதும் ஆன கொன்றை மலரையும், ஆத்தி மலர் மாலையையும், நிலவையும், கங்கையையும் ஜடாமுடியில் அணிந்தவரும், சிறந்த திருமேனியை உடையவரும், எனது தந்தையாரும், ஒப்பற்ற பெண்ணரசி, பஞ்ச சக்திகளின் கலவையான வடிவழகி, சிவத்தின் காதலி, சிவயோகத்தில் மேவிய மெளன நிலையுடையார் காணும் ஜோதி வடிவினாள் ஆகிய உமா தேவியார் சேர்ந்திருக்கிற இடது பாகத்தை உடையவருமான, தூய்மையே உருவான தனிப் பெரும் தலைவராம் சிவபெருமான் பெற்றருளிய திருக்குமாரனே, காடுகளும் மலைகளும் தீவுகளும் கடல்களும் பொடியாக காட்டில் நீல நிறத்தோடுள்ள அழகிய மயிலில் ஏறும் முருகனே, மன்மதனுடைய கரத்தில் உள்ள மலர்க் கணைகள் மயக்கும் ஆற்றலின்றி நாண, வேடர் குலப் பெண் வள்ளியுடன் மலர் மஞ்சத்தில் இணைந்திருக்கும் எமது பழநி மலையின் எழுந்தருளிய பெருமாளே.

Audio/Video Link(s)

Add (additional) Audio/Video Link

ஞானங்கொள் பொறிகள் கூடி ... ஞான இந்திரியங்கள் யாவும் ஒருமுகமாகக் கூடி, வானிந்து கதிரிலாத நாடு அண்டி ... வானில் சந்திரன் சூரியன் இன்றியே ஒளி வீசும் உலகத்தை அடைந்து, நமசி வாய வரையேறி ... நமசிவாய என்ற பஞ்சாட்சர மலையின் மீது ஏறி, நாவின்ப ரசமதான ஆநந்த அருவி பாய ... நாவுக்குப் பேரின்ப இனிமையைத் தரும் ஆனந்த அருவி பாய, நாதங்களொடு குலாவி விளையாடி ... அந்தச் சிவயோக சமாதியில் உள்ள நாதங்களோடு கலந்து விளையாடல் புரிந்து, ஊனங்க ளுயிர்கள் மோக ... ஊன் பொதிந்த உடம்புடன் கூடிய உயிர்களை மயங்கச் செய்யும் தன்மையும், நானென்பது அறிவி லாமல் ஓம் அங்கி யுருவ மாகி ... நான் என்ற அறிவே அற்றுப் போய், ப்ரணவ ஜோதி வடிவமாகி, இருவோரும் ஓரந்த மருவி ... ஜீவாத்மாவாகிய யானும் பரமாத்மாவாகிய நீயும் ஒரே வடிவமாகி, ஞான மா விஞ்சை முதுகினேறி ... மெய்ஞ்ஞான வித்தையாகிய குதிரையின் முதுகில் ஏறி, லோகங்கள் வலம தாட அருள்தாராய் ... உலகம் முழுதும் வலமாக பவனி வரும் பெருவாழ்வை அருள்வாயாக. தேனங்கொள் இதழி ... தேனை உடையதும் அழகியதும் ஆன கொன்றை மலரையும், தாகி தார் இந்து சலில வேணி ... ஆத்தி மலர் மாலையையும், நிலவையும், கங்கையையும் ஜடாமுடியில் அணிந்தவரும், சீர் அங்கன் எனது தாதை ... சிறந்த திருமேனியை உடையவரும், எனது தந்தையாரும், ஒருமாது சேர்பஞ்ச வடிவி ... ஒப்பற்ற பெண்ணரசி, பஞ்ச சக்திகளின் கலவையான வடிவழகி, மோகி யோகங்கொள் மவுன ஜோதி ... சிவத்தின் காதலி, சிவயோகத்தில் மேவிய மெளன நிலையுடையார் காணும் ஜோதி வடிவினாள் ஆகிய உமா தேவியார் சேர்பங்கின் அமல நாதன் அருள்பாலா ... சேர்ந்திருக்கிற இடது பாகத்தை உடையவருமான, தூய்மையே உருவான தனிப் பெரும் தலைவராம் சிவபெருமான் பெற்றருளிய திருக்குமாரனே, கானங்கள் வரைகள் தீவு ஓதங்கள் பொடிய ... காடுகளும் மலைகளும் தீவுகளும் கடல்களும் பொடியாக நீல காடு அந்த மயிலிலேறு முருகோனே ... காட்டில் நீல நிறத்தோடுள்ள அழகிய மயிலில் ஏறும் முருகனே, காமன்கை மலர்கள் நாண ... மன்மதனுடைய கரத்தில் உள்ள மலர்க் கணைகள் மயக்கும் ஆற்றலின்றி நாண, வேடம்பெண் அமளி சேர்வைகாண் ... வேடர் குலப் பெண் வள்ளியுடன் மலர் மஞ்சத்தில் இணைந்திருக்கும் எங்கள் பழநி மேவு பெருமாளே. ... எமது பழநி மலையின் எழுந்தருளிய பெருமாளே.

Similar songs:

162 - ஞானங்கொள் (பழநி)

தானந்த தனன தான தானந்த தனன தான
     தானந்த தனன தான ...... தனதான

Songs from this thalam பழநி

104 - அகல்வினை

105 - அணிபட்டு அணுகி

106 - அதல விதல

107 - அபகார நிந்தை

108 - அரிசன வாடை

109 - அருத்தி வாழ்வொடு

110 - அவனிதனிலே

111 - அறமிலா நிலை

112 - ஆதாளிகள் புரி

113 - ஆலகாலம் என

114 - ஆறுமுகம் ஆறுமுகம்

115 - இத் தாரணிக்குள்

116 - இரவி என

117 - இருகனக மாமேரு

118 - இரு செப்பென

119 - இலகிய களப

120 - இலகுகனி மிஞ்சு

121 - உயிர்க் கூடு

122 - உலகபசு பாச

123 - ஒருபொழுதும் இருசரண

124 - ஒருவரை ஒருவர்

125 - ஓடி ஓடி

126 - கடலைச் சிறை

127 - கடலை பொரியவரை

128 - கதியை விலக்கு

129 - கரிய பெரிய

130 - கரிய மேகமதோ

131 - கரியிணை கோடென

132 - கருகி அகன்று

133 - கருப்புவிலில்

134 - கருவின் உருவாகி

135 - கலக வாள்விழி

136 - கலகக் கயல்விழி

137 - கலவியி லிச்சி

138 - கலை கொடு

139 - களப முலையை

140 - கறுத்த குழலணி

141 - கனக கும்பம்

142 - கனத்திறுகி

143 - கனமாய் எழுந்து

144 - கார் அணிந்த

145 - குரம்பை மலசலம்

146 - குருதி மலசலம்

147 - குழல் அடவி

148 - குழல்கள் சரிய

149 - குறித்தமணி

150 - குன்றுங் குன்றும்

151 - கொந்துத் தரு

152 - கோல குங்கும

153 - கோல மதிவதனம்

154 - சகடத்திற் குழை

155 - சிந்துர கூரம

156 - சிவனார் மனங்குளிர

157 - சிறு பறையும்

158 - சீ உதிரம் எங்கும்

159 - சீறல் அசடன்

160 - சுருதி முடி மோனம்

161 - சுருளளக பார

162 - ஞானங்கொள்

163 - தகர நறுமலர்

164 - தகைமைத் தனியில்

165 - தமரும் அமரும்

166 - தலைவலி மருத்தீடு

167 - திடமிலி சற்குணமிலி

168 - திமிர உததி

169 - தோகைமயிலே கமல

170 - நாத விந்து

171 - நிகமம் எனில்

172 - நெற்றி வெயர்த்துளி

173 - பகர்தற்கு அரிதான

174 - பஞ்ச பாதகன்

175 - பாரியான கொடை

176 - புடவிக்கு அணி

177 - புடைசெப் பென

178 - பெரியதோர் கரி

179 - போதகம் தரு

180 - மந்தரமதெனவே

181 - மருமலரினன்

182 - மனக்கவலை ஏதும்

183 - மலரணி கொண்டை

184 - முகிலளகத்தில்

185 - முகை முளரி

186 - முதிரவுழையை

187 - முத்துக்கு

188 - மூலம் கிளர் ஓர்

189 - மூல மந்திரம்

190 - முருகுசெறி குழலவிழ

191 - முருகு செறிகுழல் முகில்

192 - வசனமிக ஏற்றி

193 - வஞ்சனை மிஞ்சி

194 - வரதா மணி நீ

195 - வனிதை உடல்

196 - வாதம் பித்தம்

197 - வாரணந் தனை

198 - விதம் இசைந்து

199 - விரை மருவு

200 - வேய் இசைந்து

1338 - சிவணிதா வியமனது

This page was last modified on Fri, 11 Apr 2025 05:32:46 +0000
 

1
	send corrections and suggestions to admin-at-sivaya.org thiruppugazh song lang tamil sequence no 162