This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

1216   பொதுப்பாடல்கள் திருப்புகழ் ( - வாரியார் # 1119 )
ஆலும் மயில் போல்
முன் திருப்புகழ்   அடுத்த திருப்புகழ்

தானதன தானத்த தானதன தானத்த      தானதன தானத்த ...... தனதான

ஆலுமயில் போலுற்ற தோகையர்க ளேமெத்த      ஆரவட மேலிட்ட ...... முலைமீதே ஆனதுகி லேயிட்டு வீதிதனி லேநிற்க      ஆமவரை யேசற்று ...... முரையாதே வேலுமழ கார்கொற்ற நீலமயில் மேலுற்று      வீறுமுன தார்பத்ம ...... முகமாறு மேவியிரு பாகத்தும் வாழுமனை மார்தக்க      மேதகவு நானித்த ...... முரையேனோ நாலுமுக வேதற்கு மாலிலையில் மாலுக்கு      நாடவரி யார்பெற்ற ...... வொருபாலா நாணமுடை யாள்வெற்றி வேடர்குல மீதொக்க      நாடுகுயில் பார்மிக்க ...... எழில்மாது வேலைவிழி வேடச்சி யார்கணவ னேமத்த      வேழமுக வோனுக்கு ...... மிளையோனே வீரமுட னேயுற்ற சூரனணி மார்பத்து      வேலைமிக வேவிட்ட ...... பெருமாளே.

Easy Version: ஆலும் மயில் போல் உற்ற தோகையர்களே மெத்த ஆர வடம் மேலிட்ட முலை மீதே ஆன துகிலே இட்டு வீதி தனிலே நிற்க ஆம் அவரையே சற்றும் உரையாதே வேலும் அழகு ஆர் கொற்ற நீல மயில் மேல் உற்று வீறும் உனது ஆர் பத்மம் ஆர் முகம் ஆறு மேவி இரு பாகத்தும் வாழும் அ(ன்)னைமார் தக்க மேதகவும் நான் நித்தம் உரையேனோ நாலு முக வேதற்கும் ஆலிலையில் மாலுக்கும் நாட அரியார் பெற்ற ஒரு பாலா நாணம் உடையாள் வெற்றி வேடர் குல மீது ஒக்க நாடு குயில் பார் மிக்க எழில் மாது வேலை விழி வேடச்சியார் கணவனே மத்த வேழ முகவோனுக்கும் இளையோனே வீரமுடனே உற்ற சூரன் அணி மார்பத்து வேலை மிகவே விட்ட பெருமாளே.

Add (additional) Audio/Video Link

1216 - ஆலும் மயில் போல் (பொதுப்பாடல்கள்)

தானதன தானத்த தானதன தானத்த
     தானதன தானத்த ...... தனதான

Songs from this thalam பொதுப்பாடல்கள்

This page was last modified on Wed, 28 Feb 2024 01:04:02 -0500