திருப்புகழ் # 557 - Thiruppugazh song

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian

557 சென்னிமலை திருப்புகழ் ( குருஜி இராகவன் # 174 - வாரியார் # 338 )
பகலிரவினில்
முன் திருப்புகழ் அடுத்த திருப்புகழ்

தனதனதனத் ...... தனதான
தனதனதனத் ...... தனதான

பகலிரவினிற் ...... றடுமாறா
     பதிகுருவெனத் ...... தெளிபோத
ரகசியமுரைத் ...... தநுபூதி
     ரதநிலைதனைத் ...... தருவாயே
இகபரமதற் ...... கிறையோனே
     இயலிசையின்முத் ...... தமிழோனே
சகசிரகிரிப் ...... பதிவேளே
     சரவணபவப் ...... பெருமாளே.

Easy Version:
பகலிரவினில் தடுமாறா
பதிகுருவெனத் தெளிபோத
ரகசியமுரைத்து
அநுபூதி ரதநிலைதனைத் தருவாயே
இகபரமதற்கு இறையோனே
இயலிசையின் முத்தமிழோனே
சகசிரகிரிப் பதிவேளே
சரவணபவப் பெருமாளே.

Audio/Video Link(s)

Add (additional) Audio/Video Link

பகலிரவினில் தடுமாறா ... நினைவு, மறப்பு என்ற நிலைகளிலே
தடுமாறாது,
பதிகுருவெனத் தெளிபோத ... முருகனே குருநாதன் என்று
தெளிகின்ற ஞானத்தின்
ரகசியமுரைத்து ... பரம ரகசியத்தை அடியேனுக்கு உபதேசித்து,
அநுபூதி ரதநிலைதனைத் தருவாயே ... ஒன்றுபடும் ரசமான
பேரின்ப நிலையினைத் தந்தருள்வாயாக.
இகபரமதற்கு இறையோனே ... இம்மைக்கும் மறுமைக்கும்
தலைவனாக விளங்குபவனே,
இயலிசையின் முத்தமிழோனே ... இயல், இசை, நாடகம் என்ற
முத்தமிழுக்கும் உரியவனே,
சகசிரகிரிப் பதிவேளே ... இவ்வுலகில் மேலான திருச்சிரா
மலையின் செவ்வேளே,
சரவணபவப் பெருமாளே. ... சரவணபவப் பரம்பொருளே.

1
	send corrections and suggestions to admin @ sivaya.org thiruppugazh song

பகலிரவினில்

thiruppugazh song