This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

875   திருச்சத்திமுத்தம் திருப்புகழ் ( - வாரியார் # 885 )
கடகரிம ருப்பிற்க
முன் திருப்புகழ்   அடுத்த திருப்புகழ்

தனதனன தத்தத்த தத்தத்த தத்ததன      தனதனன தத்தத்த தத்தத்த தத்ததன           தனதனன தத்தத்த தத்தத்த தத்ததன ...... தனதான

கடகரிம ருப்பிற்க திர்த்துப்ர மிக்கமிக      வுரமிடநெ ருக்கிப்பி டித்துப்பு டைத்துவளர்           கனககுட மொத்துக்க னத்துப்பெ ருத்தமணி ...... யணியாலே கதிர்திகழு செப்பைக்க திக்கப்ப தித்துமகிழ்      கமலமுகை பட்சத்தி ருத்திப்பொ ருத்துமுலை           கமழ்விரைகொள் செச்சைக்க லப்பைப்பொ தித்ததனை ...... விலகாது கடுவைவடு வைப்பற்றி விற்சிக்க வைத்தசெய      லெனநிறமி யற்றிக்கு யிற்றிப்பு ரட்டிவரு           கயல்விழிவெ டுட்டித்து ரத்திச்செ விக்குழையின் ...... மிசைதாவுங் களமதன னுக்குச்ச யத்தைப்ப டைத்துலவு      கடுமொழிப யிற்றக்க ளைத்துக்கொ டிச்சியர்கள்           கணியினில கப்பட்ட ழுத்தத்து யர்ப்படுவ ...... தொழியேனோ அடலைபுனை முக்கட்ப ரற்குப்பொ ருட்சொலரு      மறைதனையு ணர்த்திச்செ கத்தைப்பெ ருத்தமயில்           அதனைமுன டத்திக்க ணத்திற்றி ரித்துவரு ...... மழகோனே அபகடமு ரைத்தத்த மெத்தப்ப டைத்துலகி      லெளியரைம ருட்டிச்செ கத்திற்பி ழைக்கவெணு           மசடர்தம னத்தைக்க லக்கித்து ணித்தடரு ...... மதிசூரா விடவரவ ணைக்குட்டு யிற்கொட்க்ரு பைக்கடவுள்      உலவுமலை செப்பைச்செ விக்கட்செ றித்துமிக           விரைவிலுவ ணத்திற்சி றக்கப்ரி யத்தில்வரு ...... மொருமாயோன் விழைமருக கொக்கிற்ச முத்ரத்தி லுற்றவனை      நெறுநெறென வெட்டுக்ர சத்தித்த னிப்படைய           விடையவர்தி ருச்சத்தி முத்தத்தி னிற்குலவு ...... பெருமாளே.

Easy Version: கட கரி மருப்பில் கதிர்த்து ப்ரமிக்க மிக உரம் இட நெருக்கிப் பிடித்துப் புடைத்து வளர் கனக குடம் ஒத்துக் கனத்துப் பெருத்த மணி அணியாலே கதிர் திகழு செப்பைக் கதிக்கப் பதித்து மகிழ் கமல முகை பட்சத்து இருத்திப் பொருத்து முலை கமழ் விரை கொள் செச்சைக் கலப்பைப் பொதித்த அதனை விலகாது கடுவை அடுவைப் பற்றி வில் சிக்க வைத்த செயல் என நிறம் இயற்றிக் குயிற்றிப் புரட்டி வரு கயல் விழி வெருட்டித் துரத்திச் செவிக் குழையின் மிசை தாவும் களமதனனுக்குச் சயத்தைப் படைத்துலவு கடுமொழி பயிற்ற அக்களைத்துக் கொடிச்சியர்கள் கணியினில் அகப்பட்டு அழுத்து அத் துயர்ப் படுவது ஒழியேனோ அடலை புனை முக்கண் பரற்குப் பொருள் சொல் அரு மறைதனை உணர்த்திச் செகத்தைப் பெருத்த மயில் அதனை முன் நடத்திக் கணத்தில் திரித்து வரும் அழகோனே அபகடம் உரைத்து அத்த(ம்) மெத்தப் படைத்து உலகில் எளியரை மருட்டிச் செகத்தில் பிழைக்க எ(ண்)ணும் அசடர் த(ம்) மனத்தைக் கலக்கித் துணித்து அடரும் அதி சூரா விட அரவு அணைக்குள் துயில் கொள் க்ருபை கடவுள் உலவு மலை செப்பைச் செவிக் கண் செறித்து மிக விரைவில் உவணத்தில் சிறக்க ப்ரியத்தில் வரும் ஒரு மாயோன் விழை மருக கொக்கில் சமுத்ரத்தில் உற்றவனை நெறு நெறென வெட்டு உக்ர சத்தித் தனிப்படைய விடையவர் திரு சத்தி முத்தத்தினில் குலவு பெருமாளே.

Add (additional) Audio/Video Link

875 - கடகரிம ருப்பிற்க (திருச்சத்திமுத்தம்)

தனதனன தத்தத்த தத்தத்த தத்ததன
     தனதனன தத்தத்த தத்தத்த தத்ததன
          தனதனன தத்தத்த தத்தத்த தத்ததன ...... தனதான

Songs from this thalam திருச்சத்திமுத்தம்

875 - கடகரிம ருப்பிற்க

This page was last modified on Wed, 28 Feb 2024 01:04:02 -0500