This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.062   திருநாவுக்கரசர்   தேவாரம் திருக்கடுவாய்க்கரைப்புத்தூர் (ஆண்டான்கோவில்) - திருக்குறுந்தொகை அருள்தரு சொர்ணபுரிநாயகியம்மை உடனுறை அருள்மிகு சொர்ணபுரீசுவரர் திருவடிகள் போற்றி

https://www.youtube.com/watch?v=je0h4JOXJmk   Add audio link

ஒருத்தனை, மூ உலகொடு தேவர்க்கும் அருத்தனை, அடியேன் மனத்துள்(ள்) அமர் கருத்தனை, கடுவாய்ப் புனல் ஆடிய திருத்தனை, புத்தூர் சென்று கண்டு உய்ந்தெனே.	1
யாவரும்(ம்) அறிதற்கு அரியான் தனை மூவரின் முதல் ஆகிய மூர்த்தியை, நாவின் நல் உரை ஆகிய நாதனை, தேவனை, புத்தூர் சென்று கண்டு உய்ந்தெனே.	2
அன்பனை, அடியார் இடர் நீக்கியை, செம்பொனை, திகழும் திருக்கச்சி ஏ- கம்பனை, கடுவாய்க்கரைத்தென்புத்தூர் நம்பனை, கண்டு நான் உய்யப்பெற்றெனே.	3
மா தனத்தை, மா தேவனை, மாறு இலாக் கோதனத்தில் ஐந்து ஆடியை, வெண்குழைக் காதனை, கடுவாய்க்கரைத்தென்புத்தூர் நாதனை, கண்டு நான் உய்யப் பெற்றெனே.	4
குண்டு பட்ட குற்றம் தவிர்த்து, என்னை ஆட்- கொண்டு, நல்-திறம் காட்டிய கூத்தனை; கண்டனை; கடுவாய்க்கரைத்தென்புத்தூர் அண்டனை; கண்டு அருவினை அற்றெனே.	5
Go to top
பந்தபாசம் அறுத்து எனை ஆட்கொண்ட மைந்தனை(ம்), மணவாளனை, மா மலர்க் கந்த நீர்க் கடுவாய்க்கரைத்தென்புத்தூர் எந்தை ஈசனை, கண்டு இனிது ஆயிற்றே.	6
உம்பரானை, உருத்திர மூர்த்தியை, அம்பரானை, அமலனை, ஆதியை, கம்பு நீர்க் கடுவாய்க்கரைத்தென்புத்தூர் எம்பிரானை, கண்டு இன்பம் அது ஆயிற்றே.	7
மாசு ஆர் பாசமயக்கு அறுவித்து, எனுள் நேசம் ஆகிய நித்த மணாளனை, பூசம் நீர்க் கடுவாய்க்கரைத்தென்புத்தூர் ஈசனே! என, இன்பம் அது ஆயிற்றே.	8
இடுவார் இட்ட கவளம் கவர்ந்து இரு கடு வாய் இட்டவர் கட்டுரை கொள்ளாதே, கடுவாய்த்தென்கரைப்புத்தூர் அடிகட்கு ஆட்- படவே பெற்று, நான் பாக்கியம் செய்தெனே.	9
அரக்கன் ஆற்றல் அழித்து அவன் பாடல் கேட்டு இரக்கம் ஆகி அருள் புரி ஈசனை, திரைக் கொள் நீர்க் கடுவாய்க்கரைத்தென்புத்தூர் இருக்கும் நாதனை, காணப்பெற்று உய்ந்தெனே.	10
Go to top

Thevaaram Link  - Shaivam Link
Other song(s) from this location: திருக்கடுவாய்க்கரைப்புத்தூர் (ஆண்டான்கோவில்)

5.062   திருநாவுக்கரசர்   தேவாரம்   ஒருத்தனை, மூ உலகொடு தேவர்க்கும் Tune - திருக்குறுந்தொகை   (திருக்கடுவாய்க்கரைப்புத்தூர் (ஆண்டான்கோவில்) சொர்ணபுரீசுவரர் சொர்ணபுரிநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song author %E0%AE%A4%E0%AE%BF%E0%AE%B0%E0%AF%81%E0%AE%A8%E0%AE%BE%E0%AE%B5%E0%AF%81%E0%AE%95%E0%AF%8D%E0%AE%95%E0%AE%B0%E0%AE%9A%E0%AE%B0%E0%AF%8D paadal name %E0%AE%92%E0%AE%B0%E0%AF%81%E0%AE%A4%E0%AF%8D%E0%AE%A4%E0%AE%A9%E0%AF%88%2C+%E0%AE%AE%E0%AF%82+%E0%AE%89%E0%AE%B2%E0%AE%95%E0%AF%8A%E0%AE%9F%E0%AF%81+%E0%AE%A4%E0%AF%87%E0%AE%B5%E0%AE%B0%E0%AF%8D%E0%AE%95%E0%AF%8D%E0%AE%95%E0%AF%81%E0%AE%AE%E0%AF%8D pathigam no 5.062