This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.076   திருநாவுக்கரசர்   தேவாரம் திருக்கானூர் - திருக்குறுந்தொகை அருள்தரு சிவயோகநாயகியம்மை உடனுறை அருள்மிகு செம்மேனிநாயகர் திருவடிகள் போற்றி

https://www.youtube.com/watch?v=ydwTP_2V-es   Add audio link

திருவின் நாதனும், செம்மலர் மேல் உறை உருவனாய், உலகத்தின் உயிர்க்கு எலாம் கருவன் ஆகி, முளைத்தவன் கானூரில் பரமன் ஆய பரஞ்சுடர்; காண்மினே!	1
பெண்டிர், மக்கள், பெருந் துணை, நன்நிதி, உண்டு இறேழு என்று உகவன்மின், ஏழைகாள்! கண்டு கொண்மின், நீர், கானூர் முளையினை, புண்டரீகப் பொதும்பில் ஒதுங்கியே!	2
தாயத்தார், தமர், நன்நிதி, என்னும் இம் மாயத்தே கிடந்திட்டு மயங்கிடேல்! காயத்தே உளன், கானூர் முளையினை வாய்அ(த்)தால் வணங்கீர், வினை மாயவே!	3
குறியில் நின்று, உண்டு கூறை இலாச் சமண் நெறியை விட்டு, நிறைகழல் பற்றினேன்: அறியல் உற்றிரேல், கானூர் முளை அவன் செறிவு செய்திட்டு இருப்பது என் சிந்தையே.	4
பொத்தல் மண்சுவர்ப் பொல்லாக் குரம்பையை மெய்த்தன் என்று வியந்திடல், ஏழைகாள்! சித்தர், பத்தர்கள், சேர் திருக்கானூரில் அத்தன் பாதம் அடைதல் கருமமே.	5
Go to top
கல்வி ஞானக்கலைப் பொருள் ஆயவன், செல்வம் மல்கு திருக்கானூர் ஈசனை, எல்லியும் பகலும்(ம்) இசைவு ஆனவா சொல்லிடீர், நும் துயரங்கள் தீரவே!	6
நீரும், பாரும், நெருப்பும், அருக்கனும், காரும், மாருதம்-கானூர் முளைத்தவன்; சேர்வும் ஒன்று அறியாது, திசைதிசை ஓர்வும் ஒன்று இலர், ஓடித் திரிவரே.	7
ஓமத்தோடு அயன்மால் அறியா வணம் வீமப் பேர் ஒளி ஆய விழுப்பொருள், காமற் காய்ந்தவன் கானூர் முளைத்தவன்; சேமத்தால் இருப்பு ஆவது என் சிந்தையே.	8
வன்னி, கொன்றை, எருக்கு, அணிந்தான் மலை உன்னியே சென்று எடுத்தவன் ஒண் திறல்- தன்னை வீழத் தனி விரல் வைத்தவன் கன்னி மா மதில் கானூர்க் கருத்தனே.	9

Thevaaram Link  - Shaivam Link
Other song(s) from this location: திருக்கானூர்

1.073   திருஞானசம்பந்த சுவாமிகள்   திருக்கடைக்காப்பு   வான் ஆர் சோதி மன்னு Tune - தக்கேசி   (திருக்கானூர் செம்மேனிநாயகர் சிவயோகநாயகியம்மை)

5.076   திருநாவுக்கரசர்   தேவாரம்   திருவின் நாதனும், செம்மலர் மேல் Tune - திருக்குறுந்தொகை   (திருக்கானூர் செம்மேனிநாயகர் சிவயோகநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song author %E0%AE%A4%E0%AE%BF%E0%AE%B0%E0%AF%81%E0%AE%A8%E0%AE%BE%E0%AE%B5%E0%AF%81%E0%AE%95%E0%AF%8D%E0%AE%95%E0%AE%B0%E0%AE%9A%E0%AE%B0%E0%AF%8D paadal name %E0%AE%A4%E0%AE%BF%E0%AE%B0%E0%AF%81%E0%AE%B5%E0%AE%BF%E0%AE%A9%E0%AF%8D+%E0%AE%A8%E0%AE%BE%E0%AE%A4%E0%AE%A9%E0%AF%81%E0%AE%AE%E0%AF%8D%2C+%E0%AE%9A%E0%AF%86%E0%AE%AE%E0%AF%8D%E0%AE%AE%E0%AE%B2%E0%AE%B0%E0%AF%8D+%E0%AE%AE%E0%AF%87%E0%AE%B2%E0%AF%8D pathigam no 5.076