This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.017   திருஞானசம்பந்த சுவாமிகள்   திருக்கடைக்காப்பு திருஇடும்பாவனம் - நட்டபாடை சலநாட்டை கம்பீரநாட்டை ராகத்தில் திருமுறை அருள்தரு மங்களநாயகியம்மை உடனுறை அருள்மிகு சற்குணநாதர் திருவடிகள் போற்றி

https://www.youtube.com/watch?v=Ni1yUeyJIAI   Add audio link

மனமார்தரு மடவாரொடு மகிழ்மைந்தர்கள் மலர்தூய்த் தனமார்தரு சங்கக்கடல் வங்கத்திர ளுந்திச் சினமார்தரு திறல்வாளெயிற் றரக்கன்மிகு குன்றில் இனமாதவ ரிறைவர்க்கிடம் இடும்பாவன மிதுவே.	1
மலையார்தரு மடவாளொரு பாகம்மகிழ் வெய்தி நிலையார்தரு நிமலன்வலி நிலவும்புக ழொளிசேர் கலையார்தரு புலவோரவர் காவன்மிகு குன்றில் இலையார்தரு பொழில்சூழ்தரு மிடும்பாவன மிதுவே.	2
சீலம்மிகு சித்தத்தவர் சிந்தித்தெழு மெந்தை ஞாலம்மிகு கடல்சூழ்தரு முலகத்தவர் நலமார் கோலம்மிகு மலர்மென்முலை மடவார்மிகு குன்றில் ஏலங்கமழ் பொழில்சூழ்தரும் இடும்பாவன மிதுவே.	3
பொழிலார்தரு குலைவாழைக ளெழிலார்திகழ் போழ்தில் தொழிலான்மிகு தொண்டரவர் தொழுதாடிய முன்றில் குழலார்தரு மலர்மென்முலை மடவார்மிகு குன்றில் எழிலார்தரு மிறைவர்க்கிடம் இடும்பாவன மிதுவே.	4
பந்தார்விர லுமையாளொரு பங்காகங்கை முடிமேல் செந்தாமரை மலர்மல்கிய செழுநீர்வயற் கரைமேல் கொந்தார்மலர் புன்னைமகிழ் குரவங்கமழ் குன்றில் எந்தாயென விருந்தானிடம் இடும்பாவன மிதுவே.	5
Go to top
நெறிநீர்மையர் நீள்வானவர் நினையுந்நினை வாகி அறிநீர்மையி லெய்தும்மவர்க் கறியும்மறி வருளிக் குறிநீர்மையர் குணமார்தரு மணமார்தரு குன்றில் எறிநீர்வயல் புடைசூழ்தரு மிடும்பாவன மிதுவே.	6
நீறேறிய திருமேனியர் நிலவும்முல கெல்லாம் பாறேறிய படுவெண்டலை கையிற்பலி வாங்காக் கூறேறிய மடவாளொரு பாகம்மகிழ் வெய்தி ஏறேறிய விறைவர்க்கிடம் இடும்பாவன மிதுவே.	7
தேரார்தரு திகழ்வாளெயிற் றரக்கன்சிவன் மலையை ஓராதெடுத் தார்த்தான்முடி யொருபஃதவை நெரித்துக் கூரார்தரு கொலைவாளொடு குணநாமமுங் கொடுத்த ஏரார்தரு மிறைவர்க்கிடம் இடும்பாவன மிதுவே.	8
பொருளார்தரு மறையோர்புகழ் விருத்தர்பொலிமலிசீர்த் தெருளார்தரு சிந்தையொடு சந்தம்மலர்பலதூய் மருளார்தரு மாயன்னயன் காணார்மயலெய்த இருளார்தரு கண்டர்க்கிடம் இடும்பாவன மிதுவே.	9
தடுக்கையுட னிடுக்கித்தலை பறித்துச்சமண் நடப்பார் உடுக்கைபல துவர்க்கூறைகள் உடம்பிட்டுழல் வாரும் மடுக்கண்மலர் வயல்சேர்செந்நெல் மலிநீர்மலர்க் கரைமேல் இடுக்கண்பல களைவானிடம் இடும்பாவன மிதுவே.	10
Go to top
கொடியார்நெடு மாடக்குன்ற ளூரிற்கரைக் கோல இடியார்கட லடிவீழ்தரு மிடும்பாவனத் திறையை அடியாயுமந் தணர்காழியுள் அணிஞானசம் பந்தன் படியாற்சொன்ன பாடல்சொலப் பறையும் வினை தானே.	11

Thevaaram Link  - Shaivam Link
Other song(s) from this location: திருஇடும்பாவனம்

1.017   திருஞானசம்பந்த சுவாமிகள்   திருக்கடைக்காப்பு   மனம் ஆர்தரு மடவாரொடு மகிழ் Tune - நட்டபாடை   (திருஇடும்பாவனம் சற்குணநாதர் மங்களநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.017