This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.025   திருநாவுக்கரசர்   தேவாரம் திருப்பாசூர் - திருக்குறுந்தொகை அருள்தரு பசுபதிநாயகியம்மை உடனுறை அருள்மிகு பாசூர்நாதர் திருவடிகள் போற்றி

https://www.youtube.com/watch?v=kgw4ODPWiXA   Add audio link

முந்தி மூவெயி லெய்த முதல்வனார் சிந்திப்பார்வினை தீர்த்திடுஞ் செல்வனார் அந்திக் கோன்தனக் கேயருள் செய்தவர் பந்திச் செஞ்சடைப் பாசூ ரடிகளே.	1
மடந்தை பாகம் மகிழ்ந்த மணாளனார் தொடர்ந்த வல்வினை போக்கிடுஞ் சோதியார் கடந்த காலனைக் கால்கொடு பாய்ந்தவர் படர்ந்த நாகத்தர் பாசூ ரடிகளே.	2
நாறு கொன்றையும் நாகமுந் திங்களும் ஆறுஞ் செஞ்சடை வைத்த அழகனார் காறு கண்டத்தர் கையதோர் சூலத்தர் பாறி னோட்டினர் பாசூ ரடிகளே.	3
வெற்றி யூருறை வேதிய ராவர்நல் ஒற்றி யேறுகந் தேறு மொருவனார் நெற்றிக் கண்ணினர் நீளர வந்தனைப் பற்றி யாட்டுவர் பாசூ ரடிகளே.	4
மட்ட விழ்ந்த மலர்நெடுங் கண்ணிபால் இட்ட வேட்கைய ராகி யிருப்பவர் துட்ட ரேலறி யேனிவர் சூழ்ச்சிமை பட்ட நெற்றியர் பாசூ ரடிகளே.	5
Go to top
பல்லில் ஓடுகை யேந்திப் பகலெலாம் எல்லி நின்றிடு பெய்பலி யேற்பவர் சொல்லிப் போய்ப்புகு மூரறி யேன்சொலீர் பல்கு நீற்றினர் பாசூ ரடிகளே.	6
கட்டி விட்ட சடையர் கபாலியர் எட்டி நோக்கிவந் தில்புகுந் தவ்வவர் இட்ட மாவறி யேனிவர் செய்வன பட்ட நெற்றியர் பாசூ ரடிகளே.	7
வேத மோதிவந் தில்புகுந் தாரவர் காதில் வெண்குழை வைத்த கபாலியார் நீதி யொன்றறி யார்நிறை கொண்டனர் பாதி வெண்பிறைப் பாசூ ரடிகளே.	8
சாம்பல் பூசுவர் தாழ்சடை கட்டுவர் ஓம்பன் மூதெரு தேறு மொருவனார் தேம்பல் வெண்மதி சூடுவர் தீயதோர் பாம்பு மாட்டுவர் பாசூ ரடிகளே.	9
மாலி னோடு மறையவன் தானுமாய் மேலுங் கீழு மளப்பரி தாயவர் ஆலின் நீழ லறம் பகர்ந் தார்மிகப் பால்வெண் நீற்றினர் பாசூ ரடிகளே.	10
Go to top
திரியும் மூஎயில் செங்கணை யொன்றினால் எரிய எய்தன ரேனு மிலங்கைக்கோன் நெரிய வூன்றியிட் டார்விர லொன்றினால் பரியர் நுண்ணியர் பாசூ ரடிகளே.	11

Thevaaram Link  - Shaivam Link
Other song(s) from this location: திருப்பாசூர்

2.060   திருஞானசம்பந்த சுவாமிகள்   திருக்கடைக்காப்பு   சிந்தை இடையார், தலையின் மிசையார், Tune - காந்தாரம்   (திருப்பாசூர் பாசூர்நாதர் பசுபதிநாயகியம்மை)

5.025   திருநாவுக்கரசர்   தேவாரம்   முந்தி மூ எயில் எய்த Tune - திருக்குறுந்தொகை   (திருப்பாசூர் பாசூர்நாதர் பசுபதிநாயகியம்மை)

6.083   திருநாவுக்கரசர்   தேவாரம்   விண் ஆகி, நிலன் ஆகி, Tune - திருத்தாண்டகம்   (திருப்பாசூர் பாசூர்நாதர் பசுபதிநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.025