This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.074   திருநாவுக்கரசர்   தேவாரம் திருவெறும்பூர் - திருக்குறுந்தொகை அருள்தரு நறுங்குழல்நாயகியம்மை உடனுறை அருள்மிகு எறும்பீசுவரர் திருவடிகள் போற்றி

https://www.youtube.com/watch?v=7eauDoQUDPk   Add audio link

விரும்பி யூறு விடேல்மட நெஞ்சமே கரும்பி னூறல்கண் டாய்கலந் தார்க்கவன் இரும்பி னூறல றாததோர் வெண்தலை எறும்பி யூர்மலை யானெங்க ளீசனே.	1
பிறங்கு செஞ்சடைப் பிஞ்ஞகன் பேணுசீர்க் கறங்கு பூத கணமுடைக் கண்ணுதல் நறுங்கு ழல்மட வாளொடு நாடொறும் எறும்பி யூர்மலை யானெங்க ளீசனே.	2
மருந்து வானவர் தானவர்க் கின்சுவை புரிந்த புன்சடைப் புண்ணியன் கண்ணுதல் பொருந்து பூண்முலை மங்கைநல் லாளொடும் எறும்பி யூர்மலை யானெங்க ளீசனே.	3
நிறங்கொள் கண்டத்து நின்மலன் எம்மிறை மறங்கொள் வேல்கண்ணி வாள்நுதல் பாகமாய் அறம்பு ரிந்தருள் செய்தவெம் அங்கணன் எறும்பி யூர்மலை யானெங்க ளீசனே.	4
நறும்பொன் நாண்மலர்க் கொன்றையும் நாகமும் துறும்பு செஞ்சடைத் தூமதி வைத்துவான் உறும்பொன் மால்வரைப் பேதையோ டூர்தொறும் எறும்பி யூர்மலை யானெங்க ளீசனே.	5
Go to top
கறும்பி யூர்வன ஐந்துள காயத்தில் திறம்பி யூர்வன மற்றும் பலவுள குறும்பி யூர்வதோர் கூட்டகத் திட்டெனை எறும்பி யூரரன் செய்த இயற்கையே.	6
மறந்து மற்றிது பேரிடர் நாடொறும் திறம்பி நீநினை யேல்மட நெஞ்சமே புறஞ்செய் கோலக் குரம்பையி லிட்டெனை எறும்பி யூரரன் செய்த வியற்கையே.	7
இன்ப மும்பிறப் பும்மிறப் பின்னொடு துன்ப மும்முட னேவைத்த சோதியான் அன்ப னேயர னேயென் றரற்றுவார்க் கின்ப னாகு மெறும்பியூ ரீசனே.	8
கண்நி றைந்த கனபவ ளத்திரள் விண்நி றைந்த விரிசுடர்ச் சோதியான் உள்நி றைந்துரு வாயுயி ராயவன் எண்நி றைந்த வெறும்பியூ ரீசனே.	9
நிறங்கொள் மால்வரை ஊன்றி யெடுத்தலும் நறுங்கு ழல்மட வாள்நடுக் கெய்திட மறங்கொள் வாளரக் கன்வலி வாட்டினான் எறும்பி யூர்மலை யெம்மிறை காண்மினே.	10
Go to top

Thevaaram Link  - Shaivam Link
Other song(s) from this location: திருவெறும்பூர்

5.074   திருநாவுக்கரசர்   தேவாரம்   விரும்பி ஊறு விடேல், மட Tune - திருக்குறுந்தொகை   (திருவெறும்பூர் எறும்பீசுவரர் நறுங்குழல்நாயகியம்மை)

6.091   திருநாவுக்கரசர்   தேவாரம்   பன்னிய செந்தமிழ் அறியேன்; கவியேல் Tune - திருத்தாண்டகம்   (திருவெறும்பூர் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.074