This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.050   சுந்தரமூர்த்தி சுவாமிகள்   திருப்பாட்டு திருப்புனவாயில் - பழம்பஞ்சுரம் யாகப்பிரியா சங்கராபரணம் கலஹம்சா ராகத்தில் திருமுறை அருள்தரு பரங்கருணைநாயகியம்மை உடனுறை அருள்மிகு பழம்பதிநாயகர் திருவடிகள் போற்றி

https://www.youtube.com/watch?v=MyUtjA-_VqI  https://www.youtube.com/watch?v=TzdBCOhKDC4   Add audio link

சித்த நீநினை யென்னொடு சூளறு வைகலும் மத்த யானையின் ஈருரி போர்த்த மணாளன்ஊர் பத்தர் தாம்பலர் பாடிநின் றாடும் பழம்பதி பொத்தில் ஆந்தைகள் பாட்ட றாப்புன வாயிலே.	1
கருதி நீமனம் என்னொடு சூளறு வைகலும் எருது மேற்கொளும் எம்பெரு மாற்கிட மாவது மருத வானவர் வைகும் இடம்மற வேடுவர் பொருது சாத்தொடு பூசல றாப்புன வாயிலே.	2
தொக்காய்மன மென்னொடு சூளறு வைகலும் நக்கானமை ஆளுடை யான்நவி லும்மிடம் அக்கோடர வார்த்தபி ரானடிக் கன்பராய்ப் புக்காரவர் போற்றொழி யாப்புன வாயிலே.	3
வற்கென் றிருத்திகண் டாய்மன மென்னொடு சூளறு பொற்குன்றஞ் சேர்ந்ததொர் காக்கைபொன் [ னாமதுவேபுகல் கற்குன்றுந் தூறுங் கடுவெளி யுங்கடற் கானல்வாய்ப் புற்கென்று தோன்றிடு மெம்பெரு மான்புன வாயிலே.	4
நில்லாய்மன மென்னொடு சூளறு வைகலும் நல்லான்நமை ஆளுடை யான்நவி லும்மிடம் வில்வாய்க்கணை வேட்டுவ ராட்ட வெருண்டுபோய்ப் புல்வாய்க்கணம் புக்கொளிக் கும்புன வாயிலே.	5
Go to top
மறவல் நீமன மென்னொடு சூளறு வைகலும் உறவும் ஊழியும் ஆயபெம் மாற்கிட மாவது பிறவு கள்ளியின் நீள்கவட் டேறித்தன் பேடையைப் புறவங் கூப்பிடப் பொன்புனஞ் சூழ்புன வாயிலே.	6
ஏசற்று நீநினை என்னொடு சூளறு வைகலும் பாசற்றவர் பாடிநின் றாடும் பழம்பதி தேசத் தடியவர் வந்திரு போதும் வணங்கிடப் பூசற்றுடி பூசல றாப்புன வாயிலே.	7
கொள்ளி வாயின கூரெயிற் றேனங் கிழிக்கவே தெள்ளி மாமணி தீவிழிக் கும்மிடஞ் செந்தறை கள்ளிவற் றிப்புற் றீந்துவெங் கானங் கழிக்கவே புள்ளி மானினம் புக்கொளிக் கும்புன வாயிலே.	8
எற்றேநினை என்னொடு சூளறு வைகலும் மற்றேதும் வேண்டா வல்வினை யாயின மாய்ந்தறக் கற்றூ றுகார்க் காட்டிடை மேய்ந்தகார்க் கோழிபோய்ப் புற்றேறிக் கூகூ எனஅழைக் கும்புன வாயிலே.	9
பொடியாடு மேனியன் பொன்புனஞ் சூழ்புன வாயிலை அடியா ரடியன் னாவல வூரன் உரைத்தன மடியாது கற்றிவை ஏத்தவல் லார்வினை மாய்ந்துபோய்க் குடியாகிப் பாடிநின் றாடவல் லார்க்கில்லை குற்றமே.	10
Go to top

Thevaaram Link  - Shaivam Link
Other song(s) from this location: திருப்புனவாயில்

3.011   திருஞானசம்பந்த சுவாமிகள்   திருக்கடைக்காப்பு   மின் இயல் செஞ்சடை வெண்பிறையன், Tune - காந்தாரபஞ்சமம்   (திருப்புனவாயில் புனவாயிலீசுவரர் கருணையீசுவரியம்மை)

7.050   சுந்தரமூர்த்தி சுவாமிகள்   திருப்பாட்டு   சித்தம்! நீ நினை! என்னொடு Tune - பழம்பஞ்சுரம்   (திருப்புனவாயில் பழம்பதிநாயகர் பரங்கருணைநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.050