This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.048   திருநாவுக்கரசர்   தேவாரம் திருஆப்பாடி - திருநேரிசை அருள்தரு பெரியநாயகியம்மை உடனுறை அருள்மிகு பாலுவந்தநாயகர் திருவடிகள் போற்றி

https://www.youtube.com/watch?v=ENP7Ud9fJ2A   Add audio link

கடலக மேழி னோடும் பவனமுங் கலந்த விண்ணும் உடலகத் துயிரும் பாரு மொள்ளழ லாகி நின்று தடமலர்க் கந்த மாலை தண்மதி பகலு மாகி மடலவிழ் கொன்றை சூடி மன்னுமாப் பாடி யாரே.	1
ஆதியு மறிவு மாகி யறிவினுட் செறிவு மாகிச் சோதியுட் சுடரு மாகித் தூநெறிக் கொருவ னாகிப் பாதியிற் பெண்ணு மாகிப் பரவுவார் பாங்க ராகி வேதியர் வாழுஞ் சேய்ஞல் விரும்புமாப் பாடி யாரே.	2
எண்ணுடை யிருக்கு மாகி யிருக்கினுட் பொருளு மாகிப் பண்ணொடு பாட றன்னைப் பரவுவார் பாங்க ராகிக் கண்ணொரு நெற்றி யாகிக் கருதுவார் கருத லாகாப் பெண்ணொரு பாக மாகிப் பேணுமாப் பாடி யாரே.	3
அண்டமா ரமரர் கோமா னாதியெம் மண்ணல் பாதம் கொண்டவன் குறிப்பி னாலே கூப்பினான் றாப ரத்தைக் கண்டவன் றாதை பாய்வான் காலற வெறியக் கண்டு சண்டியார்க் கருள்கள் செய்த தலைவராப் பாடி யாரே.	4
சிந்தையுந் தெளிவு மாகித் தெளிவினுட் சிவமு மாகி வந்தநற் பயனு மாகி வாணுதல் பாக மாகி மந்தமாம் பொழில்கள் சூழ்ந்த மண்ணித் தென்கரைமேன் மன்னி அந்தமோ டளவி லாத வடிகளாப் பாடி யாரே.	5
Go to top
வன்னிவா ளரவு மத்த மதியமு மாறுஞ் சூடி மின்னிய வுருவாஞ் சோதி மெய்ப்பொருட் பயனு மாகிக் கன்னியோர் பாக மாகிக் கருதுவார் கருத்து மாகி இன்னிசை தொண்டர் பாட விருந்தவாப் பாடி யாரே.	6
உள்ளுமாய்ப் புறமு மாகி யுருவுமா யருவு மாகி வெள்ளமாய்க் கரையு மாகி விரிகதிர் ஞாயி றாகிக் கள்ளமாய்க் கள்ளத் துள்ளார் கருத்துமா யருத்த மாகி அள்ளுவார்க் கள்ளல் செய்திட் டிருந்தவாப் பாடி யாரே.	7
மயக்கமாய்த் தெளிவு மாகி மால்வரை வளியு மாகித் தியக்கமா யொருக்க மாகிச் சிந்தையு ளொன்றி நின்று இயக்கமா யிறுதி யாகி யெண்டிசைக் கிறைவ ராகி அயக்கமா யடக்க மாய வைவராப் பாடி யாரே.	8
ஆரழ லுருவ மாகி யண்டமேழ் கடந்த வெந்தை பேரொளி யுருவி னானைப் பிரமனு மாலுங் காணாச் சீரவை பரவி யேத்திச் சென்றடி வணங்கு வார்க்குப் பேரரு ளருளிச் செய்வார் பேணுமாப் பாடி யாரே.	9
திண்டிற லரக்க னோடிச் சீகயி லாயந் தன்னை எண்டிற லிலனு மாகி யெடுத்தலு மேழை யஞ்ச விண்டிறல் நெரிய வூன்றி மிகக்கடுத் தலறி வீழப் பண்டிறல் கேட் டுகந்த பரமராப் பாடி யாரே.	10
Go to top

Thevaaram Link  - Shaivam Link
Other song(s) from this location: திருஆப்பாடி

4.048   திருநாவுக்கரசர்   தேவாரம்   கடல் அகம் ஏழினோடும் பவனமும் Tune - திருநேரிசை   (திருஆப்பாடி பாலுவந்தநாயகர் பெரியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.048